ەرجان سادەنوۆ قازاقستان ىشكى ىستەر ءمينيسترى قىزمەتىن ساقتاپ قالدى. ءتيىستى جارلىققا پرەزيدەنت قاسىم-جومارت توقايەۆ قول قويدى، دەپ حابارلايدى infohub.kz سايتى.
اقوردانىڭ رەسمي حابارلاماسىندا: «مەملەكەت باسشىسىنىڭ جارلىعىمەن سادەنوۆ ەرجان ساپاربەك ۇلى قازاقستان رەسپۋبليكاسىنىڭ ىشكى ىستەر ءمينيسترى بولىپ تاعايىندالدى» دەلىنگەن.
ق ر ءىىم رەسمي سايتىنىڭ مالىمەتىنشە، ەرجان سادەنوۆ 1993 جىلى س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن، ال 1998 جىلى ق ر ۇقك قاراعاندى جوعارى مەكتەبىن بىتىرگەن.
1993-2009 جىلدارى شىعىس قازاقستان وبلىسىنىڭ ىشكى ىستەر بولىمشەلەرىندە اعا جەدەل ۋاكىلدەن باستاپ اۋماقتىق دەپارتامەنت باسقارماسىنىڭ باستىعىنا دەيىن قىزمەت اتقارعان.
2009-2022 جىلدارى كولىكتەگى ىشكى ىستەر دەپارتامەنتتەرىنىڭ، سونداي-اق ماڭعىستاۋ، اقمولا وبلىستارى جانە نۇر-سۇلتان قالاسىنىڭ باستىعى جانە باستىعىنىڭ ورىنباسارى قىزمەتتەرىن اتقارعان.
2022-2023 جىلدارى ق ر ىشكى ىستەر ءمينيسترىنىڭ ورىنباسارى بولىپ جۇمىس ىستەگەن، ال 2023 جىلدىڭ قىركۇيەگىنەن باستاپ قازاقستان رەسپۋبليكاسىنىڭ ىشكى ىستەر ءمينيسترى قىزمەتىن اتقارىپ كەلەدى.
ەسكە سالا كەتەيىك، داۋرەن قوسانوۆ قازاقستان قورعانىس ءمينيسترى قىزمەتىن دە ساقتاپ قالدى، ال مۇحتار تىلەۋبەردى قايتادان سىرتقى ىستەر ءمينيسترى بولىپ تاعايىندالدى.