قازاقستان پرەزيدەنتى قاسىم-جومارت توقايەۆ ۇكىمەت پەن اكىمدەرگە قالا ىشىندەگى دە، ودان تىس جەرلەردەگى دە جول ساپاسىنا ەرەكشە نازار اۋدارۋدى تاپسىردى. بۇل تۋرالى مەملەكەت باسشىسى «تازا قازاقستان» اكسياسىنا قاتىسۋشىلار الدىندا سويلەگەن سوزىندە ايتتى، دەپ حابارلايدى اقوردا، infohub.kz سايتىنا سىلتەمە جاساپ.
جول جەلىسىنىڭ جاي-كۇيىن پرەزيدەنت شەشىمىن تاپپاعان ماسەلە دەپ اتادى. ول زاڭ بۇزىلعان جاعدايدا ءتيىستى شارالار قولدانىلاتىنىن اتاپ ءوتتى.
«بۇل — ءبىزدىڭ «احيللەس وكشەمىز»، مۇنى مويىنداۋ كەرەك. بۇل ماسەلەنى ەشكىم شەشە المادى (ونىڭ ءوزى ۇيات) نەمەسە جاي عانا قالامادى، ال بۇل — سابوتاج. زاڭنىڭ بارلىق قاتاڭدىعىمەن شارا قولدانامىز»، — دەدى توقايەۆ.
سونىمەن قاتار مەملەكەت باسشىسى ەلىمىزدىڭ بارلىق وڭىرىندە ۋربانيستيكا ورتالىقتارىنىڭ جۇمىسىن كىدىرىسسىز جانداندىرۋدى تالاپ ەتتى. ونىڭ ايتۋىنشا، بۇل قۇرىلىمدار قالالاردىڭ تۇتاس ساۋلەت كەلبەتىن قالىپتاستىرۋعا كومەكتەسۋى ءتيىس.
مىسال رەتىندە توقايەۆ قالالىق كەڭىستىكتى دامىتۋ مودەلدەرى مەن استانانىڭ ديزاين-كودى ازىرلەنەتىن ەلوردالىق ۋربانيستيكا ورتالىعىن اتادى. پرەزيدەنتتىڭ ايتۋىنشا، بۇل جۇمىستا شەتەلدىك تاجىريبە دە پايدالانىلادى. ول سونداي-اق قازاقستانداعى سيفرلاندىرۋ مەن جاساندى ينتەللەكتتىڭ دامۋىن اتاپ ءوتتى.
بۇعان دەيىن «كۋرسيۆ» توقايەۆ قۇرىلىس ساپاسىن جەكە باقىلاۋىنا الاتىنىن ۋادە ەتىپ، ەلوردالىق ۋربانيستيكا ورتالىعىنىڭ تاجىريبەسىن باسقا وڭىرلەرگە تاراتۋدى ۇسىنعانىن جازعان. سول سوزىندە پرەزيدەنت تازالىقتىڭ ۇلتتىق ستاندارتىن ازىرلەۋ باستاماسىن دا كوتەردى.