قازاقستان پرەزيدەنتى قاسىم-جومارت توقايەۆ ومبىعا رەسمي ساپارى كەزىندە رەسەي ليدەرى ۆلاديمير پۋتينگە سيمۆولدىق سىيلىق – شوقان ءۋاليحانوۆ پەن فەدور دوستوەۆسكي بەينەلەنگەن سۋرەتتى تابىستادى. بۇل تۋرالى infohub.kz سايتى حابارلايدى.
اقوردا حابارلاماسىندا اتاپ وتىلگەندەي، «مەملەكەت باسشىسى شوقان ءۋاليحانوۆ پەن فەدور دوستوەۆسكي بەينەلەنگەن سۋرەتتى سىيعا تارتتى».
توقايەۆ ومبىعا قازاقستان مەن رەسەيدىڭ XXII ءوڭىرارالىق ىنتىماقتاستىق فورۋمىنا قاتىسۋ ءۇشىن كەلدى. ساپار بارىسىندا ول ومبىداعى كەمەل توقاەۆتىڭ ەسكەرتكىش تاقتاسىنا گۇل شوقتارىن قويدى.
كەيىن ۆلاديمير پۋتينمەن كەزدەسۋ ءوتتى، وندا قازاقستاندىق كوشباسشى ۋكرايناداعى جانجالدى توقتاتىپ، «ستامبۋل فورمۋلاسىنا» ورالۋدى ۇسىندى. سونداي-اق كەزدەسۋدە پۋتين ەكى ەلدىڭ قارىم-قاتىناسى جونىندە پىكىر ءبىلدىردى.
بۇعان دەيىن توقايەۆ قازاقستاننىڭ رەسەي مەن ۋكراينا اراسىنداعى جانجالدا دەلدال بولماۋىنىڭ سەبەبىن ءتۇسىندىردى. مەملەكەت باسشىسى قازاقستان مەن رەسەيدىڭ قارىم-قاتىناسى بۇرىن-سوڭدى بولماعان جوعارى دەڭگەيگە جەتكەنىن اتاپ ءوتتى.