اقش پرەزيدەنتى دونالد ترامپ اكىمشىلىگى ماڭىزدى مينەرالداردى ءوندىرۋ جانە اككۋمۋلياتور كومپونەنتتەرىن شىعارۋ جوبالارىنا $3 ملرد باعىتتايدى. ۆاشينگتون بۇل ارقىلى ەلدىڭ قورعانىس-ونەركاسىپ بازاسىن نىعايتىپ، قىتايدان تاۋەلدىلىكتى ازايتۋدى كوزدەپ وتىر، دەپ حابارلايدى infohub.kz سايتى.
بۇل تۋرالى ترامپ 7 تامىزدا اقش مەملەكەتتىك دەپارتامەنتىندە تاۋ-كەن كومپانيالارىنىڭ 200-دەن استام باسشىلارىمەن، ينۆەستورلارمەن، ءبىلىم بەرۋ مەكەمەلەرىنىڭ وكىلدەرىمەن جانە ساياساتكەرلەرمەن كەزدەسۋدە مالىمدەدى.
«ءبىز امەريكاعا الەمدىك مينەرالدىق سۋپەردەرجاۆا رەتىندەگى لايىقتى ورنىن قايتارامىز»، — دەدى امەريكاندىق پرەزيدەنت.
قارجىلاندىرۋدىڭ ەڭ ۇلكەن بولىگى — پەنتاگوننىڭ Sila Nanotechnologies كومپانياسىنا بەرەتىن $1،4 ملرد شارتتى نەسيەسى. تاعى $400 ملن Sunrise Energy Metals كومپانياسىنا سكاندي كەن ورنىن يگەرۋگە، $150 ملن ماگنيت ءوندىرۋشى Niron Magnetics كومپانياسىنا بەرىلەدى.
اقش ەكسپورت-يمپورت بانكى ماڭىزدى مينەرالدارمەن جۇمىس ىستەيتىن ءۇش كومپانياعا $58 ملن بولەدى.
ۆولفرام، سيرەك جەر مەتالدارى، گەرماني جانە سكاندي زىمىرانداردى، يسترەبيتەلدەردى، بروندى تەحنيكانى جانە باسقا دا زاماناۋي قارۋ-جاراقتاردى وندىرۋدە قولدانىلادى. اقش-تىڭ مۇنداي شيكىزاتقا قاجەتتىلىگى يرانمەن سوعىس اياسىندا ءوستى. Reuters دەرەكتەرىنە سۇيەنسەك، امەريكاندىق كۇشتەر بەس ايلىق قاقتىعىس كەزىندە ايتارلىقتاي كوپ ۇزاق قاشىقتىققا ۇشاتىن زىمىراندار مەن اۋە شابۋىلىنا قارسى قورعانىس پەرەحۆاچيكتەرىن قولداندى. پەنتاگون كەيبىر قورلاردى قالپىنا كەلتىرۋ جىلدارعا سوزىلۋى مۇمكىن ەكەنىن ەسكەرتكەن.
بۇعان دەيىن «كۋرسيۆ» اقش-تىڭ ماڭىزدى مينەرالدارعا دەگەن قىزىعۋشىلىعى قازاقستانعا دا اسەر ەتكەنىن جازعان بولاتىن. مامىر ايىندا Cove Kaz Capital Group LLC كومپانياسى «سامۇرىق-قازىنا» قۇرىلىمىنا كىرەتىن جانە اتتاس ۆولفرام كەن ورنىن يگەرەتىن «سولتۇستىك قاتپار» كومپانياسىنىڭ 70% ۇلەسىن ساتىپ الۋ مامىلەسىن اياقتادى. بۇل كومپانياعا اقش پرەزيدەنتىنىڭ ۇلدارى دونالد ترامپ-كىشى جانە ەريك ترامپ قاتىستى. مامىلە سوماسى $114،8 ملن قۇرادى. مامىلە 2026 جىلدىڭ 13 اقپانىندا باستالعان، دەپ حابارلانعان «تاۋ-كەن سامۇرىق» قارجىلىق ەسەپتىلىگىندە. قازاقستاندا وندىرىلگەن ۆولفرام اقش-قا، ەۋروپاعا، جاپونياعا جانە كورەياعا جەتكىزىلۋى مۇمكىن.