اقش پرەزيدەنتى دونالد ترامپ قورعانىس ءمينيسترى پيت حەگسەتتەن وق-دارىلەردىڭ ەلەۋلى تاپشىلىعىنا قاتىستى تۇسىنىكتەمە تالاپ ەتتى. بۇل تاپشىلىق اقش-تىڭ يرانعا قاتىستى اسكەري مۇمكىندىكتەرىن شەكتەۋى مۇمكىن، دەپ حابارلايدى infohub.kz سايتى.
Washington Post گازەتىنىڭ حابارلاۋىنشا، اق ءۇي باسشىسى اسكەري قورلاردىڭ جاي-كۇيى تۋرالى ونى اداستىرعانىنا نارازىلىق بىلدىرگەن. بۇل وقيعا كەمپ-دەۆيدتەگى مينيسترلەر كابينەتىنىڭ وتىرىسىندا بولعان.
ترامپ ءوق-دارى تاپشىلىعى ماسەلەسى شەشىلدى دەپ ويلاعان، الايدا ۇزاق قاشىقتىققا ۇشاتىن باسقارىلاتىن زىمىراندار مەن اۋە شابۋىلىنا قارسى قورعانىس قۇرالدارىنىڭ تاپشىلىعى تۋرالى دەرەكتەرگە تاپ بولعان. دەرەككوزدەردىڭ ايتۋىنشا، ءدال وسى قارۋ-جاراق تاپشىلىعى يرانعا سوققى بەرۋدەن باس تارتۋعا سەبەپ بولعان.
قورعانىس ءمينيسترى پيت حەگسەتتىڭ ءوزى بولسا، قالىپتاسقان جاعدايعا ورىنباسارى ستيۆەن فاينبەرگتى كىنالاپ، ونىڭ پرەزيدەنتكە قورلاردىڭ جاي-كۇيى تۋرالى تولىق اقپارات بەرمەگەنىن مالىمدەگەن.
ەسكە سالايىق، شىلدە ايىنىڭ سوڭىندا پيت حەگسەت يرانمەن قاقتىعىس شىعىندارى 37،5 ملرد دوللاردى قۇراعانىن حابارلاعان. سونىمەن قاتار، CNN دەرەكتەرى بويىنشا، اقش وسى قاقتىعىس بارىسىندا زىمىرانعا قارسى قورعانىس جۇيەلەرى قورىنىڭ شامامەن 80 پايىزىن جۇمساعان.