اقش پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن جانە ۋكراينا پرەزيدەنتى ۆلاديمير زەلەنسكيمەن جاقسى قارىم-قاتىناستا ەكەنىن ايتتى. بۇل تۋرالى ول اق ۇيدە زەلەنسكيمەن كەزدەسۋدەن كەيىن جۋرناليستەرگە مالىمدەدى، دەپ حابارلايدى infohub.kz.
ەكى ەل باسشىسىمەن قارىم-قاتىناسى تۋرالى سۇراققا جاۋاپ بەرگەن ترامپ: «مەن ەكەۋىمەن دە ءتىل تابىسامىن. مەن پرەزيدەنت پۋتينمەن ءتىل تابىسامىن. مەن پرەزيدەنت زەلەنسكيمەن ءتىل تابىسامىن»، — دەدى.
سونىمەن قاتار، اقش باسشىسى زەلەنسكيگە قاقتىعىستى اياقتاۋ قاجەتتىگىن ايتتى. «مەن ونىڭ توقتاعانىن قالايمىن. مەن وعان: سوعىستى اياقتاعىسى كەلەتىنىمدى ايتتىم»، — دەدى اق ءۇي اكىمشىلىگىنىڭ باسشىسى، ادام شىعىنىن توقتاتقىسى كەلەتىنىن قوسىپ ءوتتى.
بۇعان دەيىن زەلەنسكي ترامپپەن كەزدەسۋ الدىندا كەلىسسوزدەردىڭ باستى باسىمدىعى بالليستيكالىق زىمىرانداردان قورعاۋ بولاتىنىن ايتقان ەدى. اق ۇيدەگى كەزدەسۋ شامامەن ءبىر ساعاتقا سوزىلدى. ۋكراينا تاراپى امەريكالىق ۇستاعىش زىمىرانداردى جەتكىزۋ جانە بەيبىت رەتتەۋدەگى ىلگەرىلەۋدى تالقىلاۋدى جوسپارلاعان.