قازاقستان پرەزيدەنتىنىڭ پۋلىنداعى جۋرناليست ءادىل بالتابايەۆ دونالد ترامپتىڭ ءوز قاراماعىنداعى قىزمەتكەرگە تۇنگى قوڭىراۋ شالعانىن، سول كەزدە اقش كوشباسشىسى قاسىم-جومارت توقاەۆقا سالەم جولداعانىن ايتتى، دەپ حابارلايدى infohub.kz.
الدىڭعى كۇنى قاسىم-جومارت توقايەۆ اقش وكىلدەر پالاتاسىنىڭ بيۋدجەت جانە سالىق كوميتەتىنىڭ ءتوراعاسى دجەيسون سميتپەن، سونداي-اق كونگرەسسمەندەر گرەگ مەرفي، كەرول ميللەر، رونني دجەكسون، ۋەسلي بەلل جانە ەدۆارد كەيسپەن كەزدەستى. بۇل كەزدەسۋگە ب ا ق وكىلى رەتىندە قاتىسقان ءادىل بالتابايەۆ ءسميتتىڭ دونالد ترامپتىڭ قوڭىراۋى تۋرالى ايتقان ءسوزىن كەلتىردى. ونىڭ ايتۋىنشا، اق ءۇيدىڭ باسشىسى وعان تۇنگى ەكىدە قوڭىراۋ شالىپ، "قاسىم-جومارت توقاەۆقا سالەم جولداۋدى" وتىنگەن.
"بۇگىن تۇنگى ەكىدە ماعان پرەزيدەنت دونالد ترامپ قوڭىراۋ شالدى. مەن وعان بىرنەشە ساعاتتان كەيىن سىزبەن كەزدەسەتىنىمدى ايتتىم. ول سىزگە ەڭ جىلى تىلەگىن جەتكىزۋدى ءوتىندى جانە سىزدەر اراسىندا قالىپتاسقان سەنىمدى ءارى سىندارلى قارىم-قاتىناسقا ريزاشىلىعىن ءبىلدىردى"، — دەپ ءسميتتىڭ ءسوزىن كەلتىردى جۋرناليست.
كونگرەسسمەننىڭ ايتۋىنشا، ترامپ قاسىم-جومارت توقاەۆتى ماياميدەگى G20 سامميتىندە كۇتەتىنىن دە جەتكىزگەن.