اقش پرەزيدەنتى دونالد ترامپ تەحنولوگيالىق كومپانيالاردىڭ جاساندى ينتەللەكت دامۋىن تەجەۋ تۋرالى ۇسىنىستارىنا قاتىستى سالماقتى مالىمدەمە جاسادى، دەپ حابارلايدى infohub.kz سايتى.
امەريكا كوشباسشىسى Truth Social الەۋمەتتىك جەلىسىندەگى جازباسىندا ءجي-دىڭ قارقىندى دامۋىن توقتاتا تۇرۋ باستاماسىنا جاۋاپ بەردى. ونىڭ ايتۋىنشا، جاساندى ينتەللەكتتى باقىلاۋ نەمەسە شەكتەۋ ءۇشىن قاجەت جالعىز شارا — IQ-ى جوعارى كۇشتى ءارى اقىلدى پرەزيدەنت، ال اقش-تا ونداي ادام جەتىپ ارتىلادى.
ترامپ ءوز اكىمشىلىگى جي سالاسىنداعى ادامدارعا ز ۇلىمدىق جاساۋعا نەمەسە ءقاۋىپتى ارەكەتتەرگە بارۋعا جول بەرمەگەنىن اتاپ ءوتتى. مىسال رەتىندە ول Anthropic كومپانياسىنىڭ داريوسىن كەلتىرىپ، پرەزيدەنتتىڭ سوزىنشە، ول ءقازىر «پەرىشتەگە اينالىپ» ءجۇر. مەملەكەت باسشىسى اقش وسى باعىتتا جۇمىسىن جالعاستىراتىنىنا سەندىرىپ، ەلدە وسى كومپانيالاردى باقىلاۋعا مۇمكىندىك بەرەتىن قىلمىستىق قۇقىق پەن رەتتەۋ سالاسىنداعى زور وكىلەتتىكتەر بار ەكەنىن ايتتى.
سونىمەن قاتار ترامپ جي مەن دەرەكتەر ورتالىقتارىنا قارسى «اۋرۋ قاستاندىق» ۇيىمداستىرىلىپ جاتقانىن مالىمدەدى. «بۇعان تەك جۇڭگو قۋانادى. جي جارىسىندا كىم جەڭسە، جالپى جەڭىسكە جەتەدى. ءبىز قىتايدان دا، قالعانداردان دا وزىقپىز، كوشباسشىلىقتى ودان ءارى ۇستايمىز. قاستاندىق تەوريالارىنىڭ جاقتاۋشىلارى، مەملەكەتكە ساتقىندار، وپاسىزدار جانە اقپاراتتى اعىزاتىندار — ساق بولىڭدار! وسى ماسەلەگە نازار اۋدارعاندارىڭىزعا راحمەت!» — دەپ جازدى اقش پرەزيدەنتى.
ەسكە سالايىق، بۇعان دەيىن Claude چات-بوتىن جاساۋشى Anthropic كومپانياسىنىڭ باسشىسى داريو امودەي قۋاتتىراق جاساندى ينتەللەكت مودەلدەرىنىڭ قارقىندى دامۋىن توقتاتا تۇرۋعا شاقىرعان بولاتىن. ونىمەن SpaceX نەگىزىن قالاۋشى يلون ماسك پەن OpenAI باس ديرەكتورى سەم التمان كەلىستى. ماسك 2014 جىلى-اق جي «يادرولىق قارۋدان دا ءقاۋىپتى بولۋى مۇمكىن» دەپ ايتقانىن مالىمدەدى. ترامپ جۋرناليستەردىڭ سۇراقتارىنا جاۋاپ بەرىپ، بۇل مالىمدەمەلەردى سىنعا الدى.