قاراعاندى ورتالىعىنداعى اتتاس ساۋدا ورتالىعىنا يەلىك ەتەتىن «سۋم» كومپانياسى قىركۇيەك ايى ءۇشىن ارتىقشىلىقتى اكسيالار بويىنشا ديۆيدەند تولەيتىنىن حابارلادى. ءار ارتىقشىلىقتى اكسياعا 962،5 تەڭگەدەن ەسەپتەلەدى، ال اي بويىنشا تولەمنىڭ جالپى سوماسى 435،05 ملن تەڭگەنى قۇرايدى، دەپ جازادى infohub.kz سايتى.
بۇل سومانىڭ جارتىسىن 60 جاستاعى كاسىپكەر الەكسەي نەفەدوۆ الادى. تولەمدەر قازاننىڭ 6-سىندا باستالادى، ال ديۆيدەند الۋعا قۇقىعى بار اكسيونەرلەردىڭ ءتىزىمى قىركۇيەكتىڭ 30-ىندا جاسالعان. اقشا اكسيونەرلەردىڭ ەسەپشوتتارىنا اۋدارىلادى.
«سۋم» كومپانياسى قاراعاندىدا تىركەلگەن. جاريالانىم ساتىندە ول مىنا تۇلعالارعا تيەسىلى: Arcada Group (قاراعاندى)، Arcada (قاراعاندى)، «ءنازIر INVEST» (الماتى)، 63 جاستاعى ريۆنەر داۆلەتبايەۆ، 64 جاستاعى ەرشات ساليموۆ جانە 60 جاستاعى ۆلاديمير سيدەلكوۆسكي.
Arcada Group مەن Arcada-نىڭ جالعىز يەسى — 2025 جىلى Forbes نۇسقاسى بويىنشا قازاقستاننىڭ ەڭ ءىرى رانتەلەرى رەيتينگىندە 11-ورىندى يەلەنگەن الەكسەي نەفەدوۆ. ونىڭ كومپانياسى استاناداعى Asia Park ساۋدا-ويىن-ساۋىق ورتالىعىن، سونداي-اق الماتىداعى Mart، Asia Park جانە Mart Village سوو-لارىن باسقارادى.
«ءنازIر INVEST»ء-تىڭ بىرلەسكەن يەلەرى — «رۆس» كومپانياسى، ەرشات ساليموۆ جانە ۆلاديمير سيدەلكوۆسكي. ءوز كەزەگىندە «رۆس»ء-تىڭ بىرلەسكەن يەلەرى — ريۆنەر داۆلەتبايەۆ پەن ۆلاديمير سيدەلكوۆسكي.
2025 جىلدىڭ سوڭىنداعى جىلدىق قارجىلىق ەسەپتىلىكتە كومپانيا اكسيونەرلەرى رەتىندە مىنالار كورسەتىلگەن: الەكسەي نەفەدوۆ — 48% جاي اكسيا، ۆلاديمير سيدەلكوۆسكي — 21،6%، ەرشات ساليموۆ — 21،6%، Arcada كومپانياسى — 2%، «ءنازIر INVEST» — 2% جانە ريۆنەر داۆلەتبايەۆ — 4،8%.
2025 جىلدىڭ سوڭىندا «سۋم»-نىڭ بارلىق ارتىقشىلىقتى اكسيالارىنىڭ 50%-ى (ءارقايسىسى 226 مىڭ ارتىقشىلىقتى اكسيا) Arcada مەن «ءنازIر INVEST»-كە تيەسىلى بولدى. وسىلايشا، الەكسەي نەفەدوۆ 2026 جىلدىڭ قىركۇيەگى ءۇشىن 217،5 ملن تەڭگە ديۆيدەند الادى، ءدال وسىنداي سومانى ەرشات ساليموۆ، ۆلاديمير سيدەلكوۆسكي جانە ريۆنەر داۆلەتبايەۆ بىرلەسىپ الادى.
ەرشات ساليموۆ Forbes نۇسقاسى بويىنشا ەڭ باي قازاقستاندىقتار تىزىمىندە $102 ملن بايلىعىمەن 71-ورىندا، ۆلاديمير سيدەلكوۆسكي $131 ملن-مەن 65-ورىندا تۇر.