قازاقستاننىڭ بىرنەشە وڭىرىندە تۇنگى ۋاقىتتا ەرەسەكتەردىڭ ەرتىپ ءجۇرۋىنسىز جۇرگەن كامەلەتكە تولماعانداردى انىقتاۋ بويىنشا نىسانالى تەكسەرۋلەر ءوتتى، دەپ حابارلايدى infohub.kz سايتى.
ىشكى ىستەر مينيسترلىگىنىڭ مەدياپورتالىنىڭ مالىمەتىنشە، استانا، شىمكەنت جانە اباي وبلىسى اۋماعىندا ەكى كۇن بويى پوليسەيلەر جاسوسپىرىمدەر تاراپىنان دا، ولارعا قاتىستى دا قۇقىققا قارسى ارەكەتتەردىڭ الدىن الۋ ماقساتىندا تۇنگى رەيدتەر جۇرگىزدى.
«نەگىزگى نازار تۇنگى ۋاقىتتا ەرەسەكتەردىڭ ەرتىپ ءجۇرۋىنسىز جۇرگەن بالالاردى انىقتاۋعا اۋدارىلدى. تۇنگى ۋاقىتتا بالالاردىڭ ورنالاسقان جەرىن باقىلاۋدى قامتاماسىز ەتپەگەن 480-دەن استام اتا-انا جاۋاپكەرشىلىككە تارتىلدى»، — دەدى ۆەدومستۆودا.
ءىس-شارانىڭ تاعى ءبىر ماڭىزدى ماقساتى — كامەلەتكە تولماعاندارعا الكوگول جانە تەمەكى ونىمدەرىن ساتۋ فاكتىلەرىنىڭ الدىن الۋ. وسى بۇزۋشىلىق ءۇشىن 28 كاسىپكەر جاۋاپكەرشىلىككە تارتىلدى.
ءىىم پوليسيا بالالاردىڭ قۇقىقتارىن قورعاۋ بويىنشا تۇراقتى نىسانالى جۇمىستاردى جالعاستىرىپ، بارلىق قاجەتتى شارالاردى قابىلدايتىنىن جەتكىزدى.