تۇركىستان وبلىسىندا 17 جاسار ءجاسوسپىرىمنىڭ ولىمىنە اكەلگەن اتىس ءىسى بويىنشا التى ادام سوت الدىنا كەلدى، دەپ حابارلايدى infohub.kz سايتى.
«جەتىنشى ارنانىڭ» دەرەگىنشە، بىلتىر قاراشا ايىندا تۇلكىباس اۋدانىندا بەتپەردە كيگەن ادامدار كوشەدە تۇرعان ءتورت جاسوسپىرىمگە وق جاۋدىرعان. 17 جاسار جىگىت وقيعا ورنىندا قازا تاپتى، تاعى ۇشەۋى اۋرۋحاناعا جەتكىزىلدى.
بۇل ءىس بويىنشا بارلىعى جەتى ادام ءوتتى. ولاردىڭ بىرەۋى ىزدەۋگە جاريالاندى، ءقازىر ونىمەن تەرگەۋ ورگاندارى جۇمىس ىستەپ جاتىر. قالعان التى ادام سوت الدىنا كەلدى.
«ولاردىڭ ۇشەۋى وقيعا ورنىنا كەلىپ، قارۋ قولدانىپ، جابىرلەنۋشى جاققا وق اتتى. قالعان ۇشەۋى وقيعا ورنىنا بارۋدان جانە قارۋ قولدانۋدان باس تارتتى. الايدا ولار قارۋ قولدانىلاتىنىن بىلگەندىكتەن، بۇل تۋرالى پوليسيا قىزمەتكەرلەرىنە حابارلاۋى ءتيىس ەدى»، — دەدى مامانداندىرىلعان اۋدانارالىق سوتتىڭ ءتوراعاسى داۋرەن مادالييەۆ.
سوت شەشىمىمەن نەگىزگى ايىپتالۋشى 20 جىلعا باس بوستاندىعىنان ايىرىلدى — قاتاڭ جازا قىلمىستىڭ قايتالانۋىنا بايلانىستى. تاعى ەكەۋى 18 جىلدان تۇرمەگە قامالدى. قىلمىستى جاسىرعانى ءۇشىن ايىپتالعانداردىڭ بىرەۋى 3 جىلعا، ەكىنشىسى 2 جىلعا باس بوستاندىعىنان ايىرىلدى. تاعى ءبىر سوتتالعان ادامعا 2 جىل 8 اي باس بوستاندىعىن شەكتەۋ جازاسى تاعايىندالدى. الايدا راقىمشىلىق قولدانىلۋىنا بايلانىستى ول سوت زالىندا بوساتىلدى.
ەسكە سالايىق، 2025 جىلعى 2 قاراشاعا قاراعان ءتۇنى تۇلكىباس اۋدانىندا اتىس قارۋىن قولدانۋ وقيعاسى تىركەلگەن. وقيعا سالدارىنان ءبىر ادام قازا تاۋىپ، ۇشەۋى مەديسينالىق مەكەمەگە جەتكىزىلدى. كەيىن دارىگەرلەر زارداپ شەككەندەردىڭ جاعدايىن حابارلادى — ەكى ادام اۋرۋحاناعا جات قىزىلدى. ال كۋاگەرلەر 17 جاسار ءجاسوسپىرىمنىڭ ولىمىنە اكەلگەن اتىستىڭ ءمان-جايىن ايتىپ بەردى.