UFC چەمپيوندىق اتاعىنا بۇرىنعى ۇمىتكەر ەنتوني سميت نەبراسكا شتاتىندا ءۇش قىلمىستىق ايىپ بويىنشا قاماۋعا الىندى. تەرگەۋ مالىمەتتەرى بويىنشا، ول ايەلىن ولتىرۋمەن قورقىتىپ، بىرنەشە رەت كولىگىمەن قاعىپ كەتپەك بولعان، دەيدى infohub.kz.
پروكۋراتۋرا مالىمەتتەرىنە سايكەس، وقيعا 26 شىلدەدە گرەتنا قالاسىنداعى باردا بولعان. ەرلى-زايىپتىلار اراسىندا جانجال شىققان: سميت ايەلىنە ءوز كولىگىنە وتىرىپ، ۇيگە بىرگە قايتۋدى تالاپ ەتكەن. باس تارتقان سوڭ سپورتشى ونى ولتىرۋمەن قورقىتىپ، ۇستاپ الىپ، كۇشپەن كولىككە وتىرعىزعان.
ساپار كەزىندە ايەل كولىكتەن ءتۇسىپ ۇلگەرگەن، ءبىراق سميت تەرگەۋ نۇسقاسى بويىنشا قورقىتا بەرىپ، قايتا وتىرۋدى تالاپ ەتكەن. ۇيگە جەتكەندە ول تاعى دا كولىكتەن شىعىپ كەتكەن. تەرگەۋشىلەردىڭ ايتۋىنشا، سپورتشى ونى بىرنەشە رەت كولىگىمەن باسىپ كەتپەك بولعان. ايەل شەتكە ىعىسىپ ۇلگەرىپ، دەنە جاراقاتىن الماعان.
سميتكە قاتىستى قاماۋعا الۋ وردەرى 27 شىلدەدە بەرىلگەن. فايتەر ءوز ەركىمەن قۇقىق قورعاۋ ورگاندارىنا كەلىپ، ەش وقيعاسىز قاماۋعا الىنعان. وعان ءبىرىنشى دارەجەلى وتباسىلىق زورلىق-زومبىلىق جاساۋعا وقتالۋ، تەرروريستىك سيپاتتاعى قورقىتۋ جانە ءبىرىنشى دارەجەلى بوستاندىقتان زاڭسىز ايىرۋ ايىپتارى تاعىلعان.
العاشقى سوت وتىرىسىنان كەيىن 38 جاستاعى امەريكالىق 500 مىڭ دوللار كەپىلمەن بوساتىلدى. سوت وعان تەرگەۋ اياقتالعانشا ايەلىمەن بايلانىسۋعا جانە شتاتتان شىعۋعا تىيىم سالدى. كەلەسى وتىرىس 17 تامىزعا بەلگىلەنگەن. سميت ايىپتارعا ازىرگە جاريا تۇردە تۇسىنىكتەمە بەرمەگەن.
سميت 2025 جىلدىڭ ساۋىرىندە قاتارىنان ءۇش رەت جەڭىلىپ، UFC-دەگى ونەرىن اياقتادى. 2019 جىلى ول جارتىلاي اۋىر سالماقتا چەمپيوندىق بەلدەۋگە تالاسقان، ءبىراق دجون دجونستان ۇتىلعان.