شىعىس قازاقستان وبلىسىنداعى ۋلان اۋدانىندا 600-دەن استام پەداگوگتىڭ دەربەس دەرەكتەرىنىڭ جايىلۋىنا جول بەرىلمەدى، دەپ حابارلايدى infohub.kz.
انىقتالعانداي، مەكتەپتەر مەن بالاباقشالار مىندەتتى مەديسينالىق تەكسەرۋدەن وتكىزۋ بويىنشا ساتىپ الۋ تۋرالى حابارلاندىرۋلاردى جاريالاۋ كەزىندە قۇجاتتاماعا ءوز قىزمەتكەرلەرىنىڭ تولىق ءتىزىمىن تىركەگەن. وسىلايشا، مەملەكەتتىك ساتىپ الۋ پورتالىندا شەكتەۋسىز ادامدار توبى ءۇشىن اشىق قولجەتىمدىلىكتە قىزمەتكەرلەردىڭ تولىق ساۋالناما دەرەكتەرى (ءتاا مەن جسن)، اتقاراتىن لاۋازىمدارى، تۇرعىلىقتى مەكەنجايلارى مەن جەكە بايلانىس تەلەفون نومىرلەرى قالعان. بۇل قۇپيا اقپاراتتىڭ تارالۋىنا تىكەلەي ءقاۋىپ توندىرگەن.
پروكۋراتۋرانىڭ قاداعالاۋ اكتىسى بويىنشا بۇزۋشىلىقتار تولىعىمەن جويىلىپ، زاڭسىز جاريالانعان 611 قىزمەتكەردىڭ دەرەكتەرى جۇرتشىلىقتان الىنىپ تاستالدى. كىنالى لاۋازىمدى تۇلعالار زاڭدا بەلگىلەنگەن جاۋاپكەرشىلىككە تارتىلدى، – دەلىنگەن حابارلامادا.
شقو پروكۋراتۋراسى دەربەس دەرەكتەردى زاڭسىز جيناۋ، وڭدەۋ نەمەسە تاراتۋ ءۇشىن قازاقستان رەسپۋبليكاسىنىڭ زاڭناماسىندا قاتاڭ اكىمشىلىك جانە قىلمىستىق جاۋاپكەرشىلىك كوزدەلگەنىن ەسكە سالدى.