قازاقستان ۇلتتىق بانكىندە وتكەن بريفينگتە ءتوراعا تيمۋر سۇلەيمەنوۆ بازالىق مولشەرلەمەنىڭ تومەندەتىلۋ سەبەپتەرىن ءتۇسىندىردى. رەگۋلياتور باسشىسىنىڭ اتاپ وتۋىنشە، شەشىم ۇزاق تالقىلاۋلاردان كەيىن قابىلداندى، دەپ حابارلايدى infohub.kz سايتى.
«ينفلياسيانىڭ تومەندەۋى بويىنشا پروگرەسس ايقىن كورىنىپ تۇر. ەستەرىڭىزدە بولسا، بىلتىرعى قىركۇيەكتە ينفلياسيا 30%-عا جۋىق بولدى، ءقازىر ول 10%-عا جاقىندادى. بازالىق مولشەرلەمەنى تومەندەتۋگە مۇمكىندىك پايدا بولدى. ءبىز وتە ساقتىقپەن ارەكەت ەتەمىز، ياعني 0،25 بازيستىك تارماققا عانا تومەندەتتىك، سەبەبى ايتارلىقتاي بەلگىسىزدىك ساقتالىپ وتىر. ەڭ الدىمەن، بۇل سىرتقى بەلگىسىزدىك، ويتكەنى مۇناي باعاسى مەن باسقا تاۋارلاردىڭ باعاسى ءالى دە قۇبىلمالى»، — دەدى تيمۋر سۇلەيمەنوۆ.
ول ءقازىر تەڭگە باعامىنىڭ جەتكىلىكتى تۇراقتى ەكەنىن ايتتى. الايدا مەرزىمىنەن بۇرىن وپتيميزمگە بەرىلۋدەن ساقتاندىردى: «ينفلياسيا جەڭىلدى، جۇمىس اياقتالدى، ەندى بوساڭسۋعا بولادى دەۋگە ەشقاشان بولمايدى. ينفلياسيا فاكتورلارى ءالى دە جەتكىلىكتى كوپ. (...) اقشا-نەسيە ساياساتى كوميتەتىندە شەشىمنىڭ ەكى نۇسقاسى بولدى — ساقتاپ قالۋ نەمەسە 0،25-كە تومەندەتۋ. وتە قىزۋ پىكىرتالاس بولدى. ەكى كۇن بويى تالقىلادىق، كوميتەت وتىرىسى ەكى سەسسياعا سوزىلدى. ءسويتىپ، 0،25 پايىزدىق تارماققا ساقتىقپەن تومەندەتۋ تۋرالى شەشىم قابىلداندى».