استاناداعى «نۇرلى جول» ۆوكزالىنىڭ كۇتۋ زالىنداعى اۋاسىزدىققا جولاۋشىلار تاراپىنان تۇسكەن كوپتەگەن شاعىمنان كەيىن «قازاقستان تەمىر جولى» (قتج) كومپانياسى ماسەلەنى مويىنداپ، شۇعىل شارالار قابىلدادى. كومپانيانىڭ ءباسپاسوز قىزمەتى ۆوكزالدا تەمپەراتۋرالىق رەجيم مەن اۋا باپتاۋ جۇيەسىنىڭ جۇمىسى تەكسەرىلىپ، كۇتۋ زالدارى مەن تەحنيكالىق بولمەلەر قارالعانىن حابارلادى، دەپ حابارلايدى infohub.kz.
تەكسەرۋ قورىتىندىسى بويىنشا ىلعالداندىرۋ فۋنكسياسى بار تاعى 20 وندىرىستىك جەلدەتكىش ورناتۋ تۋرالى شەشىم قابىلداندى. ۆوكزال كەزەكشىلەرىنە تەمپەراتۋرالىق رەجيمدى تاۋلىك بويى باقىلاپ، جولاۋشىلاردىڭ وتىنىشتەرىنە جەدەل دەن قويۋ تاپسىرىلدى. سونداي-اق مەديسينا قىزمەتكەرلەرىنىڭ تاۋلىك بويى كەزەكشىلىگى ۇيىمداستىرىلدى.
قتج-دا استانادا ورناعان انومالدى ىستىق اۋا رايى جاعدايىندا اۋا باپتاۋ جۇيەسىنە جۇكتەمە ايتارلىقتاي ارتقانىن اتاپ ءوتتى. قوسىمشا جۇكتەمە سونىمەن قاتار استانا-1 ۆوكزالىن جاڭعىرتۋعا بايلانىستى 16 جولاۋشىلار پويىزىنىڭ ۋاقىتشا «نۇرلى جول» ۆوكزالىنا اۋىستىرىلۋىمەن بايلانىستى. ناتيجەسىندە جولاۋشىلار اعىنى 23%-عا ءوسىپ، بۇل دا سالقىنداتۋ جۇيەسىنە جۇكتەمەنى ارتتىردى.
كومپانيا جولاۋشىلاردان ۋاقىتشا قولايسىزدىقتار ءۇشىن كەشىرىم سۇراپ، تۇسىنىستىك تانىتقاندارى ءۇشىن العىس بىلدىرەدى. بۇعان دەيىن استاناداعى «نۇرلى جول» ۆوكزالىندا جولاۋشىلاردىڭ اۋاسىزدىققا شاعىمدانعانى حابارلانعان بولاتىن.