قازاقستاندا WhatsApp مەسسەندجەرىنىڭ پايدالانۋشىلارى ءوز اككاۋنتتارىنىڭ جاپپاي بۇعاتتالۋىنا تاپ بولدى، دەپ حابارلايدى infohub.kz سايتى.
بۇعاتتاۋ تۋرالى شاعىمدار تەك قازاقستاندا عانا ەمەس، الەمنىڭ باسقا ەلدەرىندە دە پايدا بولدى. Threads الەۋمەتتىك جەلىسىندە قازاقستاندىقتار بۇل ماسەلەنى بەلسەندى تۇردە تالقىلاپ، بۇعاتتاۋ ەشقانداي سەبەپسىز ءجۇرىپ جاتقانىن ايتادى.
ەrkoshtau ەسىمدى پايدالانۋشى بىلاي دەپ جازدى: «WhatsApp اككاۋنتىمدى 24 ساعاتقا جاۋىپ تاستادى. ەرەكشە ەشتەڭە بولعان جوق، مۇنداي جاعدايعا تاپ بولعاندار بار ما؟» تاعى ءبىر پايدالانۋشى اizhalina تاڭعالىپ: «WhatsApp بۇعاتتاۋىنا كىم تاپ بولدى؟ قانداي جاعدايلاردا بولادى؟؟ WhatsApp-تا وتىرعانمىن، جاڭا كونتاكتىگە سمس جىبەردىم. سول كەزدە WhatsApp بۇعاتتالدى. كىم كەزدەستى؟ نە ىستەۋ كەرەك؟» دەپ سۇرايدى. arailym_designer پايدالانۋشىسى دا: «نەگە WhatsApp وسىلاي بۇعاتتالادى؟ مۇنداي ءبىرىنشى رەت بولىپ تۇر (تەكسەرۋگە ءوتىنىش جىبەردىم»، — دەپ حابارلادى.
ماتەريال جاريالانعان كەزدە WhatsApp-قا يەلىك ەتەتىن Meta كومپانياسى رەسمي مالىمدەمە جاساعان جوق. الايدا TechCrunch پورتالى كومپانيا وكىلىنىڭ پىكىرىن الدى: «ءبىز سەرۆيسىمىزدى تەرىس پايدالانۋعا تىرىساتىنداردى الدىن الۋ جانە باسقا پايدالانۋشىلاردىڭ قاۋىپسىزدىگىن قامتاماسىز ەتۋ ءۇشىن اككاۋنتتاردى بۇعاتتاۋ بويىنشا ۇنەمى جۇمىس ىستەيمىز. كەيدە ءبىز قاتەلەسەمىز، ال ەگەر بۇل ورىن السا، ادامدار چاتتا قايتا سويلەسە الۋى ءۇشىن جاعدايدى مۇمكىندىگىنشە تەز تۇزەتۋگە تىرىسامىز. ءبىز زارداپ شەككەن اككاۋنتتاردى قالپىنا كەلتىرۋ شارالارىن قابىلدادىق».