قىتايدىڭ Xinfa Group كورپوراسياسى الماتى وبلىسىنداعى كولجات كومىر كەن ورنىن كەشەندى يگەرۋ جوباسىن دايىنداپ جاتىر. جوبا اياسىندا ەكى مىڭعا جۋىق تۇراقتى جۇمىس ورنىن اشۋ جوسپارلانۋدا. وسى جوبانى ىسكە قوسۋ پەرسپەكتيۆالارىن قازاقستان پرەزيدەنتى قاسىم-جومارت توقايەۆ Xinfa Group پرەزيدەنتى چجان گۋيچۋنمەن كەزدەسۋدە تالقىلادى، دەپ حابارلايدى infohub.kz سايتى.
مەملەكەت باسشىسى ەلدىڭ زاماناۋي تەحنولوگيالاردى ەنگىزۋگە جانە ءوندىرىستى ۇزاق مەرزىمدى نەگىزدە دامىتۋعا دايىن ءىرى ينۆەستورلاردى تارتۋعا مۇددەلى ەكەنىن اتاپ ءوتتى. توقاەۆتىڭ پىكىرىنشە، مەتاللۋرگيا مەن كومىر حيمياسىندا تولىق وندىرىستىك تىزبەگى بار Xinfa Group-پەن ارىپتەستىك قازاقستاننىڭ يندۋستريالىق دامۋ باسىمدىقتارىنا تولىق ساي كەلەدى.
كولجات كەن ورنىن يگەرۋ جوباسى قازاقستان مەن جۇڭگو اراسىنداعى ونەركاسىپتىك كووپەراسيانىڭ جاڭا ساپاسىنىڭ ۇلگىسىنە اينالۋى ءتيىس. پرەزيدەنت قورلاردى يگەرۋ كەشەندى بولۋى كەرەكتىگىن – جارتىلاي كوكس، سۋتەگى، سينتەز-گاز جانە جوعارى ساپالى مۇناي ونىمدەرىن شىعارۋدى قامتيتىن ءبىرتۇتاس تىزبەك قۇرۋ قاجەتتىگىن اتاپ ءوتتى.
تاراپتار سونداي-اق اسا ماڭىزدى ماتەريالدار سالاسىنداعى ىنتىماقتاستىقتى تەرەڭدەتۋ ماسەلەلەرىن جەكە تالقىلادى. ءوز كەزەگىندە چجان گۋيچۋن حولدينگتىڭ رەسپۋبليكاداعى قاتىسۋىن كەڭەيتۋ جوسپارلارىن تانىستىرىپ، مەملەكەت باسشىسىنا بىرلەسكەن جوبالاردى قولداعانى ءۇشىن العىس ايتتى.
بۇعان دەيىن «كۋرسيۆ» اباي وبلىسىندا قىتايلىق ينۆەستورلاردىڭ 1،6 ملرد دوللارعا ەكى ءىرى زاۋىت سالعىسى كەلەتىنىن جازعان بولاتىن.