ورتالىق ازيانىڭ ايرىقشا داۋىسى مەن تانىمال جۇلدىزدارىنىڭ ءبىرى يۋلدۋز ۋسمانوۆا قازاقستاننىڭ ءتورت قالاسىندا ۇلكەن كونسەرتتىك باعدارلاماسىن ۇسىنادى. كونسەرتتەر 2026 جىلى 17–21 قازان ارالىعىندا شىمكەنت، الماتى، استانا جانە تارازدا وتەدى، دەپ حابارلايدى infohub.kz سايتى.
يۋلدۋز ۋسمانوۆا بىرەگەي داۋىسىمەن جانە ساحناداعى جارقىن قۋاتىمەن تانىمال. ونىڭ شىعارماشىلىعى كوپ جىلدان بەرى ءار بۋىن تىڭدارماندارىن بىرىكتىرىپ كەلەدى، اندەرى وزبەكستاننان الدەقايدا الىستا كەڭ تاراعان.
قازان ايىندا قازاقستانداعى ءانشى جانكۇيەرلەرىن ءبىرقاتار ۇلكەن كونسەرت كۇتىپ تۇر. ساحنادا سۇيىكتى حيتتەر، ۋاقىت سىنىنان وتكەن اۋەندەر جانە جاڭا تۋىندىلار شىرقالادى. باعدارلامانى تىكەلەي ورىنداۋ، ءتۇرلى-تۇستى قويىلىمدار مەن بي ءانسامبلىنىڭ ونەرى تولىقتىرادى.
ءار كونسەرت مىقتى ۆوكالدى، ۇلتتىق كولوريتتى، زاماناۋي حورەوگرافيانى جانە يۋلدۋز ۋسمانوۆاعا ءتان كورەرمەندەرمەن جىلى قارىم-قاتىناس اتموسفەراسىن بىرىكتىرەتىن تولىققاندى مۋزىكالىق شوۋعا اينالادى.
كونسەرتتەر كەستەسى:
17 قازان، 19:30 — شىمكەنت، QYZGALDAQ SARAIY، الاتاۋ باتىر كوشەسى، 101/1؛
19 قازان، 20:00 — الماتى، رەسپۋبليكا سارايى، دوستىق داڭعىلى، 56؛
20 قازان، 19:00 — استانا، ە. راحمادييەۆ اتىنداعى فيلارمونيا، كەنەسارى كوشەسى، 32؛
21 قازان، 19:30 — تاراز، «بالاساعۇن» كونسەرت زالى، تولە بي داڭعىلى، 89.
كونسەرتتىك تۋر كورەرمەندەرگە سۇيىكتى اندەردى تىكەلەي ورىنداۋدا قايتا ەستىپ، ءانشىنىڭ قايتالانباس قۋاتىن سەزىنۋ مۇمكىندىگىن سىيلايدى. ۇيىمداستىرۋشىلار مۋزىكاعا، بيگە جانە شىنايى سەزىمگە تولى جارقىن ساحنالىق باعدارلاما ۋادە ەتەدى.
يۋلدۋز ۋسمانوۆانىڭ قازاقستانداعى كونسەرتتەرىنە بيلەتتەردى Biletservice.kz، Ticketon.kz، Kino.kz جانە Sxodim.kz سايتتارىنان الۋعا بولادى.
جاس شەكتەۋى: 7+.