اتىراۋداعى رەزونانستى ءىستى قاراعان سۋديا زارەما حاميدۋللينا ۇكىم شىعارۋ كەزىندە كۇتپەگەن مالىمدەمە جاسادى، دەپ حابارلايدى infohub.kz.
بۇگىن اتىراۋ سوتى ءوز ايەلىنىڭ تۋىستارىن ولتىرگەن سۇلتان سارسەماليەۆكە ۇكىم شىعاردى. كىنالى دەپ تانىلعان ول ءومىر بويى باس بوستاندىعىنان ايىرىلدى. سۋديا زارەما حاميدۋللينا ۇكىم شىعارىلعاننان كەيىن سوتتىڭ ۇستانىمىن ءتۇسىندىرىپ، تۇسىنىكتەمە بەردى.
«سوتتا ايىپتالۋشىنىڭ اناسى: "مەنىڭ ۇلىم سارسەمالييەۆ بۇل ومىردە ەشقانداي قۋانىش كورمەدى" دەدى. الايدا سوت بۇعان توقتالۋعا ءماجبۇر. ال ناۋرىز بەن مەيرامگۇل ومىردە قانداي قۋانىش كوردى؟ سىزدەر وسى تۋرالى ويلادىڭىزدار ما؟ ەكەۋى دە مۇگەدەكتىكپەن ءومىر ءسۇردى. ەكەۋىنىڭ دە ءومىرى ەرەكشە قاتىگەزدىكپەن ءۇزىلدى. ولار ەندى ەشقاشان قۋانىش كورمەيدى. بارلىق ارماندارى مەن بولاشاعى وسى قىلمىسپەن ءۇزىلدى. ولاردىڭ ۇرپاعى دا قالمادى. وسىنى دا ويلاڭىزدار! سوت ايىپتالۋشىنىڭ اناسىنىڭ "مەنىڭ ۇلىم ەشقانداي قۋانىش كورمەدى، بەس بالاسىن اسىرادى، اۋرۋ ايەلىنە قارادى" دەگەن دالەلىن ايىپتالۋشىنىڭ ارەكەتىن اقتايتىن ءمان-جاي رەتىندە قابىلدامايدى»، — دەدى سۋديا.