رەسەي پرەمەر-ليگاسىنىڭ (رپل) 2026/27 ماۋسىمىنىڭ ءتورتىنشى تۋرىندا سانكت-پەتەربۋرگتىڭ «زەنيتى» ماسكەۋدىڭ «ديناموسىن» ءىرى ەسەپپەن ۇتتى، دەپ حابارلايدى infohub.kz.
«گازپروم ارەنادا» وتكەن كەزدەسۋ قوجايىنداردىڭ پايداسىنا 3:0 ەسەبىمەن اياقتالدى. ءبىرىنشى تايمدا-اق الەكساندر سوبوليەۆ دۋبل جاسادى: ول 29-مينۋتتا پەنالتيدەن، ال 33-مينۋتتا تاعى ءبىر گول سوقتى. ەكىنشى تايمدا ماكسيم گلۋشەنكوۆ 87-مينۋتتا قارسىلاس قاقپاسىنا سوققان گولمەن ەسەپتى اياقتادى.
قازاقستان قۇراماسىنىڭ قورعاۋشىسى نۇرالى ءالىپ «زەنيت» ساپىندا ويىندى قوسالقى قۇرامدا باستاپ، 71-مينۋتتا الاڭعا شىقتى. وسى ۋاقىت ىشىندە ول ناتيجەلى ارەكەتتەرمەن دە، ءتارتىپ بۇزۋشىلىقتارمەن دە كوزگە تۇسپەدى.
وسى جەڭىستىڭ ارقاسىندا پەتەربورلىقتار 9 ۇپاي جيناپ، تۋرنير كەستەسىندە ەكىنشى ورىنعا تۇراقتادى. ولاردان تەك ماكسيمالدى 12 ۇپاي جيناعان «كراسنودار» عانا وزىق تۇر. «دينامو» 4 ۇپايمەن العاشقى وندىقتى تۇيىندەيدى.
ماسكەۋلىك كوماندا ساپىندا قازاقستان قۇراماسىنىڭ جارتىلاي قورعاۋشىسى باحتيەر زاينۋتدينوۆ ونەر كورسەتەدى، الايدا دەنساۋلىعىنا بايلانىستى ول بيىلعى ماۋسىمدا ءالى الاڭعا شىققان جوق.