جامبىل وبلىسىندا ەكى اعايىندى جول جابىلعانىنا بايلانىستى تۋىنداعان جانجال كەزىندە ەر ادامدى سوققىعا جىققانى ءۇشىن قوعامدىق جۇمىستارعا تارتىلدى، دەپ حابارلايدى infohub.kz سايتى.
جامبىل وبلىسى سوتتارىنىڭ رەسمي Telegram-ارناسىندا حابارلانعانداي، جامبىل اۋداندىق سوتى ەكى اعايىندىعا قاتىستى قىلمىستىق ءىستى قارادى. ولار ادامدار توبىمەن ۇرىپ-سوعۋعا قاتىسقانى ءۇشىن ايىپتالدى (قك 109-1-بابى 2-بولىگىنىڭ 4-تارماعى).
سوت انىقتاعانداي، 2026 جىلدىڭ مامىر ايىندا ايىپتالۋشىلار جۇك كولىكتەرىن باسقارىپ، تارازداعى سۋ ويىن-ساۋىق ساياباعىنان قۇرىلىس قالدىقتارىن جامبىل اۋدانىنداعى تۇرمىستىق قاتتى قالدىقتار پوليگونىنا تاسىمالداعان. پوليگون اۋماعىنا كىرۋ جانە ودان شىعۋ كەزىندە ولار مەن باسقا جۇك كولىگىنىڭ جۇرگىزۋشىسى اراسىندا جولدىڭ جابىلۋىنا بايلانىستى جانجال تۋىنداعان.
جانجال بارىسىندا ەر ادامدار جابىرلەنۋشىگە قاتىستى كۇش قولدانعان. ساراپتاما قورىتىندىسى بويىنشا، جابىرلەنۋشىگە دەنساۋلىققا زيان كەلتىرمەگەن دەنە جاراقاتتارى سالدارىنان زارداپ شەككەن.
كىنا تاراپتاردىڭ ايعاقتارىمەن، وقيعا ورنىن قاراۋ حاتتامالارىمەن جانە ساراپتاما قورىتىندىسىمەن دالەلدەندى.
پروكۋرور ايىپتالۋشىلاردىڭ ءارقايسىسىنا 100 ساعات قوعامدىق جۇمىس تاعايىنداۋدى سۇرادى.
ايىپتالۋشىلار كىناسىن مويىنداپ، وكىنىپ، جابىرلەنۋشىدەن كەشىرىم سۇرادى.
جابىرلەنۋشى ولارعا زاڭ بويىنشا جازا تاعايىنداۋدى ءوتىندى.
سوت كىنانى مويىنداۋ، وكىنۋ جانە ەكى ايىپتالۋشىنىڭ دا كامەلەتكە تولماعان بالالارىنىڭ بولۋىن جەڭىلدەتەتىن ءمان-جايلار رەتىندە تانىدى.
اۋىرلاتاتىن ءمان-جايلار انىقتالعان جوق.
سوت ۇكىمىمەن ايىپتالۋشىلار قك 109-1-بابى 2-بولىگىنىڭ 4-تارماعى بويىنشا كىنالى دەپ تانىلىپ، ءارقايسىسىنا 100 ساعات قوعامدىق جۇمىس جازاسى تاعايىندالدى.
ۇكىم زاڭدى كۇشىنە ەندى.