جاڭاوزەندە اۆتوبۋس ايالداماسىنان تۇسكەننەن كەيىن جوعالىپ كەتكەن 9 جاسار بالا ىزدەستىرىلۋدە. ونى سوڭعى رەت وتەسىنوۆ اتىنداعى دەنە شىنىقتىرۋ-ساۋىقتىرۋ كەشەنىنىڭ جانىنان كورگەندەر بولدى. بالانىڭ اكەسى قالا تۇرعىندارى مەن پوليسيادان كومەك سۇرادى، دەپ حابارلايدى infohub.kz.
مانسۇر ەسىمدى بالانىڭ اكەسىنىڭ ايتۋىنشا، بالا بۇگىن، 28 شىلدە كۇنى ساعات 11:00 شاماسىندا جوعالعان. ول ايالدامادا اۆتوبۋستان تۇسكەن، سودان كەيىن ونى ەشكىم كورمەگەن. بالانىڭ ۇستىندە سۇر فۋتبولكا مەن قارا شورت، قولىندا قارا جول سومكەسى بولعان.
«ءقازىر ءبىز پوليسيامەن بىرلەسىپ ونى ىزدەپ جاتىرمىز. قالا تۇرعىندارىنان ونىڭ قايدا ەكەندىگى تۋرالى قانداي دا ءبىر اقپاراتى بولسا، حابارلاۋدى سۇرايمىن»، — دەپ اكەسى ب ا ق ارقىلى جاڭاوزەن تۇرعىندارىنا ۇندەۋ جاسادى.
بالانىڭ قايدا ەكەندىگى تۋرالى بىلەتىندەردى اكەسىنە مىنا تەلەفون ارقىلى حابارلاسۋعا شاقىرادى: 8 (771) 815-40-26. NUR.KZ ءتىلشىسى ماڭعىستاۋ وبلىسى پوليسيا دەپارتامەنتىنىڭ ءباسپاسوز قىزمەتىنە ساۋال جولدادى.