جاپونيانىڭ توتيگي پرەفەكتۋراسىندا اپات بولدى: جىلدام پويىز تەمىرجول جولىندا جۇمىس ىستەپ جاتقان ءتورت جۇمىسشىنى قاعىپ ءولتىردى. وقيعا توكيودان سولتۇستىككە قاراي ورنالاسقان سين-كانۋما ستانسياسىندا بولدى، دەپ حابارلايدى infohub.kz.
پوليسيا مەن Tobu Railway وپەراتور-كومپانياسىنىڭ مالىمەتىنشە، قازا تاپقاندار — ءۇش جۇمىسشى جانە ءبىر بريگادير. ولار جولدارداعى ارامشوپتەردى ج ۇلىپ جاتقاندا، ستانسياعا كىرىپ كەلە جاتقان پويىز سوقتىعىسقان. تورتەۋى دە اۋرۋحاناعا جەتكىزىلگەن، ءبىراق ولاردى قۇتقارۋ مۇمكىن بولمادى.
وقيعا ورنىندا بولعان تاعى التى ادام زارداپ شەككەن جوق: ەكى جۇمىسشى، ءۇش باقىلاۋشى جانە بريگادا جەتەكشىسى. ولارعا گەربيسيدتەر شاشۋ تاپسىرىلعان ەدى. پويىزداعى 50-گە جۋىق جولاۋشى دا امان قالدى.
تەمىرجول وكىلدەرى جۇمىسشىلاردىڭ پويىز جاقىنداعاندا جولدان نەگە كەتپەگەنى ازىرگە بەلگىسىز ەكەنىن مالىمدەدى. بيلىك اپاتتىڭ سەبەپتەرىن تەرگەۋدى باستادى.