عالىمدار جاساندى ينتەللەكت نەگىزىندەگى الگوريتم جاساپ شىقتى. ول ميدان ءقاۋىپتى اقۋىزداردى شىعاراتىن ج ۇلىن سۇيىقتىعىنىڭ قوزعالۋ جىلدامدىعىن ولشەۋگە مۇمكىندىك بەرەدى. بۇل جاڭالىق السگەيمەر اۋرۋىن ەرتە كەزەڭدە انىقتاۋعا كومەكتەسۋى مۇمكىن، دەپ حابارلايدى infohub.kz.
روچەستەر ۋنيۆەرسيتەتى، براۋن ۋنيۆەرسيتەتى جانە كوپەنگاگەن ۋنيۆەرسيتەتىنىڭ زەرتتەۋشىلەرى مرت-گە نەگىزدەلگەن ءادىس ازىرلەدى. نەيروجەلى كونتراست زاتتىڭ تارالۋىن تالدايدى، بۇل سۇيىقتىق اعىنىنىڭ جىلدامدىعىن جانە تىندەردىڭ وتكىزگىشتىگىن ەسەپتەۋگە مۇمكىندىك بەرەدى. بۇعان دەيىن مرت مۇنداي تومەن جىلدامدىقتاردى ءدال ولشەي المايتىن.
ميدىڭ بەتىندەگى اشىق كەڭىستىكتەردە سۇيىقتىق سەكۋندىنا بىرنەشە ميكرون جىلدامدىقپەن قوزعالاتىنى، ال تىندەردىڭ تەرەڭىندە اعىن شامامەن 50 ەسە باياۋلايتىنى انىقتالدى. بۇل ءبىلىم تەرەڭ ۇيقى كەزىندە ميدى جۋىپ، مەتابوليكالىق قالدىقتاردى، سونىڭ ىشىندە السگەيمەر اۋرۋىمەن بايلانىستى اميلويدتى اقۋىزداردى شىعاراتىن گليمفاتيكالىق جۇيەنىڭ جۇمىسىن ءتۇسىنۋ ءۇشىن ماڭىزدى.
پروفەسسور دۋگلاس كەلليدىڭ ايتۋىنشا، تەحنولوگيا قان اينالىمىنىڭ بۇزىلۋىن جانە مي شايقالۋىنىڭ سالدارىن ەرتە كەزەڭدە انىقتاۋعا كومەكتەسەدى. بولاشاقتا ءادىس كلينيكالىق تاجىريبەدە ادامدارعا قولدانۋعا بەيىمدەلەدى.