بەلگىلى قازاقستاندىق سەريالىق قانىشەر ءارى ادام جەگىش نيكولاي جۇماعاليەۆكە ۇقساس ەر ادامنىڭ مالىمدەمەسى جەلىدە قىزۋ تالقىلانۋدا، دەپ حابارلايدى Toppress.kz Ult.kz-كە سىلتەمە جاساپ.
دەرەككوزدىڭ مالىمەتىنشە، ەر ادام الماتى وبلىسىنىڭ اقتاس كەنتىندەگى جابىق پسيحياتريالىق مەكەمەدە جاتىر. اڭگىمە بارىسىندا ول جۋرناليستەرمەن سويلەسۋگە قورقاتىنىن ايتتى، سەبەبى اۋرۋحانا باسشىلىعى وعان سويلەۋ قابىلەتىنەن ايىراتىن ارنايى ينەكسيالار جاساۋى مۇمكىن.
سونىمەن قاتار، ول مەكەمە قىزمەتكەرلەرىنە قاتىستى ءبىرقاتار ايىپتار ايتىپ، سىبايلاس جەمقورلىق فاكتىلەرى، ناۋقاستاردى ۇستاۋدىڭ ءتيىستى دەڭگەيدە ەمەستىگى جانە باسقا دا بۇزۋشىلىقتار تۋرالى مالىمدەدى. سونداي-اق ەر ادام اۋرۋحاناداعى تاماقتىڭ ساپاسى، جيھازدىڭ جاي-كۇيى جانە كەيبىر ناۋقاستاردىڭ نەگىزسىز ۇزاق ۋاقىت بويى ەمدەلۋى تۋرالى ايتتى.
بۇدان بولەك، اڭگىمە بارىسىندا ول اۋرۋحانا قىزمەتىنە قاتىسى جوق تاقىرىپتاردى، ونىڭ ىشىندە قازاقستانداعى زاڭسىز التىن ءوندىرۋ جانە اقش پرەزيدەنتى دونالد ترامپتىڭ رەفورمالارىن دا قوزعادى.
ازىرگە ايتىلعان مالىمدەمەلەردىڭ رەسمي راستاۋى جوق. دەرەككوزدىڭ مالىمەتىنشە، قازاقستان دەنساۋلىق ساقتاۋ مينيسترلىگىنە جاعدايعا قاتىستى تۇسىنىكتەمە بەرۋ تۋرالى رەسمي سۇراۋ جىبەرىلگەن.
ەسكە سالا كەتەيىك، نيكولاي جۇماعالييەۆ وننان استام ايەلدى ولتىرگەنى ءۇشىن كىنالى دەپ تانىلدى. وعان «شيزوفرەنيا» دياگنوزى قويىلعاننان كەيىن ول مامانداندىرىلعان پسيحياتريالىق مەكەمەگە ءماجبۇرلى ەمدەلۋگە جىبەرىلىپ، 1990-جىلداردان بەرى سوندا جاتىر.