الەۋمەتتىك جەلىلەردە ەرەكشە قىزمەت تانىمال بولىپ كەلەدى: پايدالانۋشىلار ءوز سۇيىكتى جانۋارلارىنىڭ ەستەلىگىن المازعا اينالدىرا الادى. بۇل – جەردەگى ەڭ قاتتى ماتەريال، دەپ حابارلايدى infohub.kz.
كومپانيا ءۇي جانۋارلارىنىڭ جۇنىنەن، قاۋىرسىنىنان نەمەسە ك ۇلىنەن الماز سينتەزدەيدى. وسىلايشا يت، مىسىق، قۇس، تەڭىز شوشقاسى، قويان نەمەسە حومياك سەكىلدى جانۋارلاردى ماڭگىلىككە ساقتاۋعا بولادى. سونىمەن قاتار، ادام شاشىنان دا اسىل تاس جاساۋعا بولادى.
كومپانيانىڭ تۇسىندىرۋىنشە، ءجۇن مەن شاش قۇرامىندا كەراتين قۇرىلىمىندا شامامەن 49% كومىرتەگى بار. ال الماز – تازا كومىرتەگى. ونى بارلىق قوسپالاردان جەر قويناۋىنداعىعا ۇقساس جاعدايلاردا تازارتادى.
«ودان كەيىن وسى كومىرتەگىدەن گرافيت ديسكىسىن جاسايمىز، ول HPHT-پرەسكە (جوعارى قىسىم، جوعارى تەمپەراتۋرا) سالىنادى، وندا شامامەن 1400°C تەمپەراتۋرادا جانە 50–60 مىڭ اتموسفەرا قىسىمىندا كومىرتەگى المازعا كريستالدانادى»، – دەپ ءتۇسىندىردى يدەيا اۆتورلارى.
سودان كەيىن تاستى قىرلاپ، مىسالى، سۇيىكتى ءيتىنىڭ جۇنىنەن جاسالعان گاۋھار ساقيناسىنا قولدانۋعا بولادى. مۇنداي المازدى الۋ ءۇشىن بار بولعانى 5 گرامم ءجۇن جەتكىلىكتى. سينتەزدەن كەيىن تاستى ءار ءتۇرلى تۇسكە بوياۋعا نەمەسە ءمولدىر كۇيىندە قالدىرۋعا بولادى.
قىزمەت قۇنى 0،5 كارات (0،1 گ) سالماقتاعى گاۋھار ءۇشىن 900 مىڭ تەڭگەدەن باستالادى. كومپانيانىڭ كەڭسەسى ماسكەۋدە، ال زەرتحاناسى بەلارۋستە ورنالاسقان. كليەنتتەرگە پوشتا ارقىلى ماتەريال جيناۋ جيناعى جىبەرىلەدى، ونىڭ ىشىندە پينسەت، قاسىق، دوربا، شاشقا ارنالعان كونتەينەر، نۇسقاۋلىق جانە سيركونيدەن جاسالعان گاۋھار ماكەتتەرى بار.
بۇعان دەيىن الماتىدا ءۇي جانۋارلارىنا ارنالعان كولۋمباري سالۋ جوسپارلانعانى ءمالىم بولدى.