Бейнелеу өнері (1 сынып)
1 - сабақ.
Сабақтың тақырыбы: «Сурет салып үйренейік»
Сабақтың мақсаты:
Білімділік: Оқушыларға бейнелеу өнері жайлы түсіндіріп, сурет салу жолдарын түсіндіру;
Дамытушылық: оқушылар өз әсерін қағаз бетіне түсіру.
Тәрбиелік мәні: Табиғатты қорғау және аялауға тәрбиелеу
Сабақтың әдіс тәсілдері: түсіндіру, көрсету, сұрақ – жауап, баяндау
Пән аралық байланыс: ана тілі, музыка.
Көрнекіліктер: Көбелектің суреті
Сабақтың типі: жаңа сабақ
Сабақтың жабдықтары:
Мұғалім үшін: көрнекі құралдар – көбелектің фото суреті
Оқушылар үшін: альбом парағы, жай қарындаштар, өшіргіш, қылқалам

Сабақтың жоспары:
І. Ұйымдастыру кезеңі.
а) Психологиялық дайындық
ІІ. Жаңа сабақ
А) сабақ тақырыбы бойынша танымдық ұйымдастырушылық әңгіме өткізу
ІІІ. Сурет салу әдістерін көрсету
ІҮ. Сергіту сәті
Ү. Оқушылардың өздік жұмысы.
ҮІ. Сабақты қорытындылау.

Сабақтың барысы:
І. Ұйымдастыру кезеңі.
Оқушыларды тыныштандырып. Назарларын сабаққа аудару.
Психологиялық дайындық.
Оқушылар менен кейін қайталайды.
1, 2, 3 - бойға берер күш
Сабақты біз бастаймыз,
Қиналсақ та саспаймыз,
4 пен 5 - ке оқуға
Тәрбиелі болуға,
Ант етеміз бәріміз.

ІІ. Жаңа сабақ
Сурет салу адам үшін маңызды орын алған және ала да береді. Ол адамдар арасындағы қарым - қатынас мүмкіндігі ретінде қолданылады.
Адамның сурет салу дағдысы ерте кезден бастап пайда болған. Археологтардың тапқан суреттері, алғашқы адамдардың бұл жөнінде үлкен жетістіктерге жеткендігін куәландырады.
Алғашқы адамдар суретті көмірмен, үшкір тастармен салған. Неолит дәуіріндегі еңбектің жер өңдеу мен қол еңбегі – өндірістік сипаты адамның өнерге деген қатынас сипатын өзгертті. Адамның сурет салуға үйренуі, өз қол еңбегіндегі өнімдерін безендіруге бағытталды.
Ал қазір біз суретті немен саламыз? қарындаштармен саламыз дұрыс айтасыңдар.
Ендеше оқулықтарыңды ашып 4 беттегі ненің суреттері берілген екен кім айтып береді?

ІІІ. Көбелектің суретін салу үшін не істейміз және не қажет?
1. Альбомдарынды ашып сурет салуға дайындаңдар.
2. Қарындаштарыңды, қажетті құралдарды дайындаңдар.
3. Салатын суретке назар аударыңдар.
4. Бірінші қара қарындашпен суретін саламыз
5. Салып болғанан кейін түрлі түсті қарындаштармен бояймыз.
ІҮ. Сергіту сәті
Шынығу үшін шымыр боп,
Шынығамыз шаршамай.
Бұлшық еттер шымыр боп,
Аламыз тыныс сосын жай
Ү. Оқушылардың өздік жұмысы.
Оқушыларға өз әсерін қағаз бетіне түсіру ұсынылады.
4 - беттегі көбелектің суретін салады.

ҮІ. Сабақты қорытындылау.
1. Суретті салу үшін бізге не керек?
2. Суретті қалай саламыз?

Сурет салып үйренейік. жүктеу
Бейнелеу өнері сабағына қажетті құрал-жабдықтар мен материалдар. жүктеу
Жай және түрлі түсті қары ндаштар. жүктеу
Акварель. жүктеу
Гуашь бояулары. жүктеу
Гуашь бояуларының атаулары. жүктеу
Жылы және суық түстер. жүктеу
Түстер шеңбері. жүктеу
Бояу реңдері бойынша түстердің үйлесуі. жүктеу