Атырау облысы, Мақат ауданы,
«Нұрбөбек» бөбекжай – балабақшасының психологі
Тайпанова Аклай Нұрханқызы

«Балабақшада ақпараттық технологиялар арқылы балалардың танымдық қабілетін арттыру»
«Еліміздің ертеңі - бүгінгі жас ұрпақтың қолында, ал жас ұрпақтың тағдыры ұстаздың қолында»- деп елбасымыз Н. Ә. Назарбаев айтқандай қай ғасырда болсын ұлт өнерін өркендетуші сапалы, салауатты, парасатты ұрпақ тәрбиелеу - қоғам алдында әрбір тәрбиеші ұстаздың басты міндеті болып саналады.
Елбасының «Жаңа әлемдегі жаңа Қазақстан» атты жолдауында «Біз бүкіл еліміз бойынша әлемдік стандарттар деңгейінде сапалы білім беру қызметін көрсетуге қол жеткізуіміз керек» десе, ІІІ - тарауы 18 - баптың 17 - тармақшасында «Ақпараттық технологиялар мен ақпаратты таратудың жаңа нысандары бағытталған, мамандандырылған білім беру бағыттарын құру міндеті де алдымызда тұр» делінген.
2015 жылдың қазан айында Инновациялық технологиялар білім беру орталығынан «Флипчарт сабақтарды әзірлеудің әдістемелік жолдары» тақырыбында біліктілікті арттыру курсынан өтіп келдім. Осы алған білімімді тәжірибеде қолданып психологиялық жұмысымды флипчарт арқылы өткізіп жүрмін. Флипчартты пайдалану тәрбиеленушілердің танымдық белсенділігін арттырып қана қоймай, логикалық ойлау жүйесін қалыптастырады, шығармашылықпен еңбек етуіне жағдай жасайды. Флипчартты балабақшада пайдаланар болсақ, оқу іс - әрекеттерін жоғарғы дәрежеде жүзеге асыруға болады. Флипчарты балабақша пайдалану оқу іс – әрекетінде, тәрбиелік шараларды өткізуде тәрбиешілер мен бүлдіршіндеріне арналған таптырмас құрал.

Балабақша флипчарт әдісімен балалармен психологиялық оқу іс – әрекетінің технологиялық картасы
МАД «Жұлдыздар» тобы
Тақырыбы: «Білгіштер»
Мақсаты: Балаларға топтық жұмыс жасауды үйрету. Балалардың икемділігін, жылдамдық процестерін дамыту. Байланыстырып сөйлеуді дамыту. Зейін, қабылдау, ойлау, естіп - есте сақтау және қиялдарын дамыту.
Көрнекіліктер: интерактивті тақта, флипчарт

Психологтың іс – әрекеті
Мотивациялық қозғаушы
– Балалар жылы, жұмсақ жүрегіміздің жылуын келген қонақтармен бөлісейікші! Жарайсыңдар, балалар!

Орындарыңа отыра қойыңдар.
- Балалар тақтаға назар аударыңдаршы. Бұлт күнді қамауға алып алған соны құтқарайық

Ұйымдастырушылық ізденістік
Балалар мен сендерге бірнеше тапсырма беремін
тапсырма: Ойын «Ассоциации» Балалар ортасындағы суретке үйлеспейтін суретті табыңдар

(флипчарт әдісі интреактивті каламмен арттық суретті басады, сурет көрінбейді.

Тапсырма: Кеңістікті бағдарлау. Балалар үйдің қай терезесінде қандай бала тұратынын есте сақтап тауып беріңдер.

(флипчарт әдісін колдану)

Тапсырма: «Суретте неше айырмашылық бар?»

Балалармен көзге арналған жаттығу жасату

Тапсырма: «Көлеңкесін тап»
Әр жануардың көлеңкесін тауып интерактивті қалам көмегімен орнына орналастыру.

Тапсырма: «Не артық?» балалар артығын тауып толық жауап беру керек.

Рефлексиялық түзетушілік
Балалар, біз бүгін күнді бұлттардан құтқардық, күн сіздерге риза болып тұр, сендерге алғысын айтты.

Флипчартты аудиодыбысты жазу арқылы күн балаларға алғыс айтты.

Толық нұсқасын жүктеу