Жайық өзеніне саяхат
Саяхаттың мақсаты:
Білімділігі: Өз қаласының табиғи ерекшеліктері туралы мағұлмат беру, Ақжайық өзенінің орналасуы, басты байлығы, адам өміріндегі маңызы туралы білімдерін жетілдіру. Жол қауіпсіздік ережелері туралы ескертпе жасау. Өзенге дейінгі жүру кезіндегі көшемен жүру ережесін міндетті айтып естеріне салу.
Дамытушылық: Айналаны қабылдауын қалыптастыру, көзімен көре отырып, өз ойын жеткізе салуға бағыт беру, байланыстырып сөйлеуге үйрету, жаңа сөздермен сөздік қорын толықтыру, тіл байлығын жетілдіру.
Тәрбиелік: Туған жердің табиғатына деген сүйіспеншілігін ояту, оның байлығын қорғай білуге шақыру, суды таза ұстауға үнемдеуге үйрету. Жайығымызды мақтан тұтуға, патриотизмге тәрбиелеу.
Билингвальды компонет:
«Ақжайық» өзеніне арналған саяхат балабақшадан бастап қатарға тұрумен басталады.
Тәрбиеші:- Балалар бүгін біз Жайық өзеніне саяхатқа барамыз. Балабақшамыздан тіке жол болмауына байланысты көшеге шығамыз. Көшеде автотранспортқа арналған жолдар бар, сондықтан жол жиегімен шашырамай жүруіміз керек. Жайық өзеніне жеткенше дейін тәрбиешілер Жайық өзені қаламызды бүкіл әлемдік екі материкке бөліп ағып жатқан туралы айтылды. 1) Европа, 2) Азия бөлігіне. Жайық өзені Урал тауларынан басталады. Каспий теңізіне құяды. Суы тұщы болғандықтан қатады. Жайық өзенінде балықтар, су жәндіктері тіршілік етеді. Мынадай балық түрлері бар. Олар Қызыл кітапқа енгендер: Бекіре тұқымдастар, қызыл балық, ақмарқа. Ал уылдырық біздің байлығымыз. Ол шетелдерге экспортқа шығарылады. Ол үшін бізге көп ақша береді. Жай балықтар жайын, көксерке, табан, сазан қаракөз балықтары. Жайық өзені болғандықтан бізде балық шаруашылығы дамыған. Балық өнімдері өңделіп дүкендерге сатылады. Балықтың адам организмі үшін пайдасы зор. Жеңіл, құрамында калцииі көп.
Ал, жайық өзеніне де келіп жеттік. Қандай болып тұр, балалар?
- Су болып ағып жатыр.
Ал, жағасында кімдерді көріп тұрсыңдар?
- Балық аулап отырған адамдарды көріп отырмыз.
Ал, қыста мұзды тесіп ортасына қарай барып балық аулауға болады екен.
Қазір неге су болып ағып жатыр?
- Өйткені көктем келіп күн жылынғанда мұз ери бастайды, су болып ағады.
Жайықтың ластанудан сақтау керек. Қоқыс тастамауымыз керек. Жүзіп білмесең суға түсуге болмайды.
Жайық өзенінің атымен қаламызда «Ақжайық» қонақ үйі, танымал «Ақжайық» газеті бар. Жайық өзені жағалаулары біздің қаламыздың көрікті жерлері, жазда адамдар демалады, балық аулауға шығады. Жайық өзені туралы көп ақындар өлең жазған. Қазір сіздерге оқып берейін.
Ғапу Қайырбеков. «Ақ жайық»
Ақ жайық асыл өзен, дария суым.
Шертілер сенен бөлек барма суым.
Ман өстім толқыныңды аунап сенің,
Жағаңда жатып тыңдап орман шуын.

Күміс өзен күмбірлеп
Сыр құясың жаныма,
Сіңгендейсің бір - бірлеп
Туысымдай қаныма.

Су туралы тиым сөздер айту:
Суға түкірме.
Суды лайлама.
Су шашып ойнама, араз боларсың.
Суға дәрет сындырма.

Міне, балалар су қасиетті екен. Суды қадірлеу керек. Оны үнемдеу керек. Тіршіліктің бәрі сумен өмір сүреді. Ал Жайықтың суын тірі табиғаттың бәрі пайдаланады. Ауыз суы үшін арнайы қондырғылармен тазартады. Мал суарады. Өсімдік, бау - бақша, егін өнімдерін суарады. Жайықтың біз үшін маңызы өте зор. Суды қастерлейік, бәріміз.
Тәрбиеші осылайша саяхатты қорытындылайды.

Атырау қаласы,
№25 «Еркемай» балабақшасы
Умбеталиева Лайлим Маханбетовна
Ортаңғы топ тәрбиешісі