Қазақстан тарихы 8 сынып
Сабақтың тақырыбы: Кіші жүздің Ресейге қосылуы
Сілтеме: Жоспар
Жалпы мақсаты: Оқушыларға ХҮІІІ ғасырдағы қазақ елінің жағдайы, Ресейдің қол астына ену себебі, оның зардаптары туралы түсінік беру. Қазақстан аумағының Ресей империясының қосылу тарихынан бастап патша үкіметінің отарлау саясатына қатысты бұрынғы білімдерін толықтыра отырып, салыстырады, сараптайды, ой тұжырымдайды, жаңа ақпаратпен таныса отырып топтаса еңбектенеді, бірін - бірі толықтырып ортақ шешімге келеді.
Күтілетін нәтиже: Оқушыларды жаңа сабаққа жан - жақты қатыстыра отырып, Қазақстанның Ресей қол астына ену кезіндегі тарихи оқиғаларды білетін болады. Ата - бабаларымыздың елі, туған жері үшін қасық қаны қалғанша шайқасқан ерлігін бағалайды. Тарихи деректерді қолдана отырып білімдерін толықтыратын болады.
Негізгі идеялар: Қазақстанның жоңғар шапқыншылығы кезіндегі Ресей қол астына енуі
Тапсырмалар: Топтық жұмыс «Мәтін бөліктері»

Тапсырмалар Жұптық жұмыс «Аралас. Қозғалма. Жұптас»
Жеке жұмыс «Байыпты баяндамашы», «РАФТ» әдісі

Сабақ бойынша мұғалімнің жазбалары: (мұғалім және оқушы немен айналысады)
Сынып оқушыларына жағымды ахуал туғызу назарын сабаққа аудару,
Сурет қиындылары бойынша сыныпты 3 топқа бөлу (2 - 3 минут)
1 топ – Жоңғар
2 топ – Ресей
3 топ – Қазақ ханы

«Ой қозғау» - «Қазақстан Ресей қол астында» интерактивті тақта көмегімен видео көрініс көрсету;
жоңғар шапқыншылығы кезіндегі «Елім - ай» халық әні орындалады. Оқушылар өздері тақырып ашады.
Тақтаға 6 баспалдақты саты ілінеді. Әр баспалдақта 1710 жыл, 1713 жыл, 1718 жыл, 1723 жыл, 1729 жыл, 1731 жыл жазылып тұрады. Оқушылар тапсырмалар орындай отырып қазақ жеріндегі жоңғар шапқыншылығынан бастап, Қазақстан Ресей қол астына енгені туралы мәліметтер беру керек.

І. «Жоңғар шапқыншылығы» деген сөйлемге ауызша топтастырып шығу
2. «шапқыншылық» деген суық сөзге балама айтыңдар
Көз жасы
Адам өлімі
Жетім бала
Жесір ана
Мүгедектер
Қираған ауыл
Аштық
Бірін - бірі жоғалту
Тұтқында болу
Сатқындық
Ерлік
Сенім
Патриоттық сезім
Қарулар т. б

ІІ. «Мәтін бөліктері» ойыны. мәтінді оқуға топтарға 3 минут уақыт беріледі.
1 топқа – Кіріспе
2 топқа - негізгі ой
3 топқа – қорытынды,
Әр топ өз жұмысын плакаттарға түсіріп, қорғайды. Ойыннан соң мәтінді тағы бір қарап шығып, берілген ақпаратпен салыстырамыз, қай топтың неғұрлым нақты,, жүйелі айтқанын анықтаймыз. (15 минут)
Топтар өз жұмыстарын ауыстыра отырып, критерий арқылы бағалайды.

ІІІ. Жұптық жұмыс.»Аралас. Қозғалма. Жұптас» 10 мин Оқушылар жанындағы көршісі екеуі жұптаса алады. Жұмыс дәптеріндегі тапсырмаларды орындайды. Тапсырма орындалып болған соң жұптар өз жұмыстарын ауыстырып, тақтада берілген дұрыс жауапты тексеру арқылы бір - бірін бағалайды.

ІУ. Жеке жұмыс. «Байыпты баяндамашы» (5 мин)
1 - оқушы – Қазақстан Ресей қол астына енген кездегі статистикалық мәліметтерін дайындайды.
2 - оқушы – Әбілқайыр хан және қазақ батырлары туралы баяндайды
2 жұлдыз, 1 ұсыныс арқылы бағаланады.

У. Жеке жұмыс. «РАФТ» әдісі (10 мин)
Р - роль
А – аудитория
Ф – форма
Т - тақырып
Оқушылар алдын - ала өздері дайындап әкелген шығармашылық жұмыстарымен таныстырады.
Барлық жұмыстар тыңдалған соң тақырыптық тест тапсырылады, мұғалім тест қорытындысын интерактивті тақтадан шығарып, қорытындыланады.

Үйге тапсырма: Кіші жүздің Ресей құрамына енуі.
Сабақты қорытындылау
Кейінгі оқу «Аталар ерлігі - ұрпаққа мұра» (эссе)
«Егер Қазақстан Ресей қол астына енбегенде...»