1 сынып
Әліппе
Сабақтың тақырыбы: Мм дыбысы мен әрпі
Сабақтың мақсаты: 1. Мм дыбысы мен әрпін таныту. М дыбысының үнді дауыссыз дыбыс екенін және сөз ішінде келетін орнын, буын, сөз соңында дыбысталу ерекшелігін таныту.
2. Мм дыбысы бар сөздерге дыбыстық, буындық талдау жасап, сөз, сөйлем құратып шығармашылық іскерліктерін қалыптастыру.
3. Оқушыларды ұжымдық сыйластыққа, бір - бірін қадірлеуге, оқу құралдарын ұқыпты ұстауға, адамгершілік қағидаларды ұстана білуге тәрбиелеу.
Көрнекілігі: Мм әрпінің баспа, жазба түрі, әріптер кассасы, суреттер, шығармашылық тапсырмалар үлестірме материалдары, слайд, кесте т, б.
Пәнаралық байланыс: Дүниетану, Ана тілі
Сабақ түрі: Жаңа білім меңгерту
Оқыту әдісі: Сын тұрғысынан ойлауды дамыту, дамыта оқыту әдістері

Сабақтың жүру барысы:
I. Қызығушылықты ояту:
А) Шаттық шеңбері

II. Үй тапсырманы тексеру:
- Дд дыбысына сөз құрату. сөзден сөйлем ойлату.
- Оқулықта берілген сөз, сөйлемдерді тізбектеп оқыту.

А) Жоғалған сөзді тап!
Дана ал.
Дулат қара.
қой қорала.
Тірек сөздер: доп, Айдар, торпақ

Ә) «Әріптер еліне саяхат»
Қызыл үйшік......
Көк үйшік.........
(Аа, Тт, Пп, Нн, Ғғ, Рр, Лл, Уу, Шш, Йй, Оо, Ққ, Дд)
Дыбысталу ерекшелігіне қарай үйлеріне орналастырайық!

Б) Жаттамақты жатқа айт!
- Жазу құралын ата?
- Дәп - тер
- Өткен сабақта дәптер өлеңін жаттап едік, қайталайық:
Дәптер
Әліппе сенің сырласың,
Әліппе досың болады.
Әріптердің шұғыласы,
Дәптеріңе қонады.
Айтқан сөзін құпта да,
Ұстазыңды құрметте,
Дәптеріңді күт бала,
Дәптеріңді құрметте!

III. Мағынаны тану:
А) Сөз жұмбақ шешейік:
1. Қыздар алқасы (м) оншақ
2. Үй жануарларын бір сөзбен не дейміз? (м) ал
3. Көйлек неден тігіледі? (м) ата
4. Киім тоқылатын ақ ұлпа? (м) ақта
Сөзжұмбақ шешуіндегі сөздерді буынға бөліп айтып, бірінші дыбыстарына мән беріп қарайық.
Мон - шақ, мал, ма - та, мақ - та сөз басында Мм дыбысы естіліп тұр.
Олай болса, барлығымыз хормен М деп дыбыстап көрейік.
Мм дыбысы ауыз қуысынан кедергіге ұшырап қысылып айтылады. Олай болса, Мм дауыссыз үнді дыбыс.
Мм әрпін баспа, жазба түрін таныстырып, ауада жазу
Ә) Сурет бойынша жұмыс: (Оқушыларға әңгімелету)
Моншақ
Бұл - моншақ. Қыздар моншақты әсемдік үшін тағады.
Комбайн
Бұл - комбайн. Комбайн мақта алқабында мақта орды.
Мақта
Бұл - мақта. Мақтадан киім тоқылады.
Оймақ.
Бұл - оймақ. Оймақты іс тіккенде қолданады.

Б) Оқулықпен жұмыс:
- Бағанда берілген сөздерді оқыту
- Мәтінмен жұмыс: «Тамақ»
Тамақтың адам үшін маңызын ұғындыру.

В) Сөздік жұмыс:
Мол - көп
Мақал - нақыл сөз
Оймақ - іс тіккенде саусаққа киетін бұйым.
Қармақ - балықшы құралы
Г) Дәптермен жұмыс:
Мм әрпін жазу

IV. Ой толғаныс: Шығармашылық тапсырмалар:
А) Бір сөзден көп сөз ойла:
1 топ: ----------------------------- 2 топ: -------------------------- 3 топ:
Моншақ ----------------------------- Оймақ ------------------------- Мақта
(Он, шақ, ошақ, монша) ------------(ақ, ой, май, қой, ай) ---------- (Мата, ақ, ақта, тамақ)
Ә) Пирамида құрастыру:
---- 1. Бүгін танысқан әріп (М)
-------- 2. Бастағы негізгі мүше (Ми)
------------ 3. Тамақ (Май)
----------------- 4. Киім тоқылатын бұйым (Мата)

Б) Дүкеннен азық - түлік алу:
Мына жұмбақсөз шешімін тауып, кәрзеңкеге салайық:
1. Ас атасы -(нан)
2. Өзі тәтті, тез еріген
Шәйдің дәмін келтірген. (қант)
3. Нанмен бірге жағылған
Барлық бала дәм алған - (май)
4. Домалақ оның пішіні.
Ол да бір нанның үлгісі –(тоқаш)
5. Сүттің де бір түрі бар ұйытылған ішуге арнайылап қойытылған -(айран)
Кәрзеңкедегі сөздерді оқу, бұларды бір сөзбен не дейміз?
- Тамақ дейміз.
- Тамақ не үшін қажет?
- Адам өмірі үшін тағы да нелер қажет?
- Тамақ сөзіне дыбыстық талдау жасау

В) «Біз не үйрендік?»
Әріп, дыбыс
М – дауыссыз, үнді, сөздің барлық буынында келеді

V. Үйге тапсырма: Мәтінді оқу, жазу
Бағалау: Оқушыларды марапаттау