4 класс
Ашық сабақ
Сабақ тақырыбы: «Менің Қазақстаным»
Сабақ мақсаты:
Тәрбиелік: оқушылардың санасына қазақстандық патриотизм сезімдерін қалыптастыру; болашақта мемлекетіміздің өркендеуіне білімді адам керек екендігін ұғындыру; бейнелеу өнері мәдениеттілігін таныстыру. Оқушыларды ұқыптылыққа, дұрыс бейнелей білуге тәрбиелей келе, эстетикалық тәрбие беру.
Білімділік: Оқушылардың білімдерін жүйелендіру, шеберлігін, деңгейін арттыру.
Дамытушылық: Логикалық ой өрісін, қабілетін, танымын, пәнге қызығушылығын, шығармашылық қабілетін дамыту.

Сабақ түрі: танымдық сабақ ( білім мен іскерлік дағдыны жетілдіру)
Сабақ әдісі: сұрақ - жауап, баяндау, практикалық, ізденушілік жұмыс.
Сабақ көрнекілігі: интерактивті тақта, суреттер.
Пәнаралық байланыс: Информатика, тарих, география, бейнелеу өнері.
Ұйымдастыру кезеңі: Сәлемдесу.
Оқушылардың сабаққа дайындығын тексеру. Оқушылардың көңіл - күйін сабаққа аудару.
Үй жұмысын тексеру.

Сабақ барысы: Қазақстан Республикасы – біздің туып өскен жеріміз, біздің Отанымыз. Бұл жерде қазақ халқы ертеден тұрып келеді. Қазақтар мал өсіріп, жер игеріп, өз Отанын жаудан қорғаған. Жерін болашақ ұрпағына мұра етіп қалдырған, яғни, біздер үшін!
Казіргі кезде біздер ашық аспан аясында, жарық күн сәулесі түсіп тұрған мемлекетте өмір сүріп жатырмыз, білім алып осы еліміздің үлкен азаматы болып, болашақта елімізге үлкен үлес қосатын қайраткері болу сендердің қолдарыңда, оқушылар.
Біздің мемлекеттің жерінің аумағы жағынан әлемдегі 10 мемлекеттер қатарына енеді. Мемлекетіміздің картасына қарайықшы, картада қалалар кішкене нүкте сияқты. Ең үлкен қалалар Алматы, Астана, Ақтөбе сияқты т. б жерлер белгіленіп көрсетілген. Осы біздің елімізді билеп отырған президентіміз: Н. Ә. Назарбаев (суреті). Одан кейінгі бетте біздің мемлекеттік рәміздер суреті.

Біздің Отанымыздың астанасы – Астана, ең көрікті де әдемі сәулет туындыларымен жайнаған және бүкіл әлемге өзінің ерекшелігімен Қазақстанды танытып тұрған қала. Астана туралы суреттер ең әдемі жерлерінің. Елбасы отыратын ақ орда суреті. Келесі слайд бетінде имандылық пен парасаттылық белгісі Астана мешіті суреті. Аспанмен таласқан қазағымның асқақ арманын көкке жеткізер бәйтерек суреті. Одан кейінгі бетте бейбітшілік пен келісім сарайы пирамида суреті. Келесі суретте хан шатыры суретін көреміз, әдемі аспанмен таласқан сарай. Келесі беттерде қала көшелерінің суреттері. Түнгі Астана суреті.

Сабақ барысында жұмбақтар шешеміз сурет құрастырамыз.
Сөйлеуді ол білмейді, бірақ «тоқта, жүр» дейді. (бағдаршам)
Үш қазық, екі желі, тоғыз ноқта,
Теңселіп тербеледі адам соқса.
Шешен тіл сөзге жүйрік болғанымен,
Не пайда, үндемейді адам жоқта. (домбыра)
Биікте алтын алманы, ешкім ала алмады. (күн)
Түтін түсті, қанатсыз ұшты. (бұлт)
Күн мен гүлді салам, қолыма алып... (қалам)
Аспандай түтін шығады, көзінің жасын сығады. (жауын)

Оқушылардың алдарына Қазақстан шекарасы көрсетілген карта беріледі, соның бетіне тақтаға көрсетіп жалау, күн, бәйтерек, гүлшоғы суреттері бекітеміз, осы құрастырылған суретті оқушылар сурет дәптерлеріне салады. Сурет салып отырған оқушылардың арасынан аралап жүріп, қателеріне ескерту беру, бояу дұрыс қолданып жатқандарын қарау. Суретті әдемі ерекше бітірген оқушыларға «өте жақсы» бағасын қою.
Үйге тапсырма: «Менің туған өлкем» суретін салу. Өзіміздің туған жеріміз Ойыл өңірі туралы суреттер салып келу.