Ана тілі. 3 сынып
Сабақтың тақырыбы: Оқуға шақыру. Ахмет Байтұрсынұлы
Сабақтың мақсаты: 1. А. Байтұрсынұлы жайлы білгенін еске түсіру, өлеңді оқып, мазмұнын ашу, негізгі ойды анықтауға көмектесу
2. Ауызша сөйлеу дағдылары мен жазбаша тілдерін жетілдіре отырып, ойын қорытып түсіндіріп айта білуге ықпал жасау;
3. Зиялы адамдар өмірімен таныстыра отырып, оқуға, білім алуға құштарлыққа, ұқыптылыққа, еңбек сүйгіштікке тәрбиелеу.
Сабақтың түрі: аралас.
Көрнекілігі: А. Байтұрсыновтың портреті, кітап, пікір ағашының суреті, сызба, өлең жолдары
Әдісі: СТО, түсіндіру, әңгіме, сұрақ - жауап.

Сабақтың барысы:
І. Ұйымдастыру кезеңі.
- Балалар, кәне, айналамызға жылу сыйлайық, жүздеріңнен күннің көзіндей күлкі кетпесін.
Қызығушылықты ояту. Жұмбақ шешу
Сөзі - дана, үні жоқ,
Сөйлемейді тілі жоқ.
Қолыңа алсаң – шешен,
Ақылы асқан көсем.(Кітап )
Сынып оқушыларын 3 топқа бөлу.
1 - топ «Мектеп» Ұраны: Мектеп - кеме,
Білім - теңіз»
2 - топ «Кітап» Ұраны: Кітап - білім бұлағы,
Білім - өмір шырағы.
3 - топ «Білім» Ұраны: Күш - білімде,
Білім - кітапта
«Миға шабуыл»
- Өмірде осы атаулар керек пе?

ІІ. Үй тапсырмасын тексеру, сұрау.
«Әліппенің атасы» мәтінінің мазмұнын сұрау
Кітаптағы суреттер сыры неде?

Жаңа сабақ. а) Кіріспе Мағынаны ашу.
- Тұңғыш әліппені жазған кім? Ол туралы не білесің?
«Пікірлер ағашын» толтыр
ғалым, ақын, ағартушы, Әліппе жазған
Өмірі, Шығармалары, Атқарған қызметтері
1873 жылы 28 қаңтарда бұрынғы Торғай облысы, Жангельдин ауданы, Сарытүбек деген жерде дүниеге келді.
1909 жылы «Қырық мысал» 1911 жылы «Маса»
1913 - 1918жж. «Қазақ газетінің» бас редакторы.
1920ж. Қазревком мүшесі.
1920 - 21жж. Қазақ АКСР халық ағарту комиссары.
1922 - 25жж. Қазақ өлкесін зерттеу қоғамының төрағасы.
1921 - 25жж. Орынбордағы, 1926 - 28жж. Ташкент халық ағарту институтының қазақ тілі мен әдебиеті, мәдениет тарихынан сабақ берді.

1 - топ Ахмет Байтұрсынұлының өмірімен таныстырады, қалған топтар толықтырады.
2 - топ Ахмет Байтұрсынұлының шығармаларымен таныстырады, қалған топтар толықтырады.
3 - топ Ахмет Байтұрсынұлының атқарған қызметтерімен таныстырады, қалған топтар толықтырады.
2. Өлеңді түсініп оқып, іштей оқу, тізбектей оқу, жеке - жеке оқу. Өлеңді төмендегі бөлімдерге бөліп оқу
1 - топ Оқуға шақыру
2 - топ Еңбек – іс - әрекеті.
3 - топ Даналық
3. Дәптермен жұмыс (түсті бояумен ерекшеленген сөздерді теріп жазып, түсіндіру)
4. Сөздік жұмыс жүргізу
Іздеп тауып алалық - бұл жерде: үйрену, оқу, іздену.

ІҮ. Жаңа сабақты пысықтау:
5. Ақын ойын енді түсіндің бе? Ахмет Байтұрсынұлы балаларды неге шақырады? Өлеңге сүйеніп сызбаны өз сөзіңмен түсіндіріп көр.

Ү. Қорыту:
Ой толғаныс.
3 минуттық эссе. Ахмет Байтұрсынұлы – ағартушы, ғалым, «Алаш» зиялысы.
1. Даналық, оқу, білім, т. б. сөздер неліктен құмырсқа түрінде көрсетілген деп ойлайсың?
2. « Даналық – өшпес жарық, кетпес байлық» қалай түсінесің? Сызба арқылы көрсете аласың ба?
Даналық ------- білім -------- байлық
ҮІ. Үйге тапсырма: Өлеңді жаттап алу, «Даналық» сөзіне сөзжұмбақ құрастыру.
Бағалау.