Ақтөбе облысы, Мұғалжар ауданы,
Еңбек негізгі мектебінің информатика пәнінің мұғалімі
Ыбраева Айман Амалбекқызы

Информатика 5 сынып
Тақырыбы: Суретті ашу, салу, сақтау.
Мақсаты: Paint графикалық редакторын бағыттауды, қосуды, сурет салу және сақтауды үйрету
Оқушылар білуі тиіс: «Растрлық графикалық редактор» ұғымын
Оқушылар үйренуі тиіс: сурет өлшемін орнатуды, сақтауды. Түстер палитрасын іске қосуды. Қылқалам, қарындаш, сызық, доғал, масштаб құралдарын қолдануды.
Көрнекілігі: электронды оқулық, үлестірмелі материалдар
Пәнаралық байланыс: геометрия, сурет

Сабақтың барысы:
I. Ұйымдастыру кезеңі (оқушылармен амандасу, түгендеу, сабаққа назарын аудару, психологиялық жағымды ахуал туғызу)
II. Сабақтың мақсаты мен міндеттерін қою
III. Үй тапсырмасын тексеру (бақылау және тест сұрақтары) 114 б
IY. Білімді өзектендіру

Сұрақтар:
1. Ақпараттың қандай түрлерін компьютерде өңдеуге болады?
2. Қандай графикалық редакторларды білесіңдер?
3. Компьютердің қандай құрылғысы графикалық ақпаратты өңдейді?
4. Бейнені қалай редакциялаймыз?
5. Компьютердің қандай құрылғысы графикалық ақпаратты шығарады?
6. Графикалық ақпаратты өңдейтін стандартты программаларды атаңдар?
7. Кез келген қосымша терезеде қандай элементтер орналасады?
8. Paint графикалық редакторын іске қосу бұйрығын орындаңдар?

Y. Жаңа тақырыпты түсіндіру
Paint графикалық редакторында жұмыс істеу барысында, бізге мәтіндерге жеке иллюстрациялар, жұмыс үстелі үшін фон бейнелерін жасау, қарапайым фотомонтажды орындау, мәтіндерді көркемдеу, бейнені редакциялау және т. б жұмыстарды орындау талап етіледі. Графиканы өңдеудің қағидаларын меңгеріп, программалық жабдықтаманың күрделі программаларын меңгеріп программалық жабдықтаманың күрделі программаларын меңгеру арқылы ПЖ - мен жеңіл жұмыс істеуге болады.
Компьютерде графикалық ақпараттарды жасаудың түрлері
Негізгі құрылғылары (сканер, тышқан, графикалық планшет т. с. с)
Графикамен жұмыс істейтін программалар (графикалық программалар)
Графикалық редактор үшін анықтама тұжырымдалады
Графикалық редактор - графикалық бейнелерді жасау және редакциялау программасы
Paint (ағылш. Сурет салу, сурет)- бұл растрлық (нүктелік) бейнемен жұмыс істейтін графикалық редактор. Paint мағыналарының бірі «бояу»
Сурет нүктелерден тұратынын көрсету: «Сызық» құралын таңдаңдар, 1 - түс - қызыл (палитрада тышқанның сол жақ батырмасын шертумен) Сызықты жүргізіңдер. Масштаб құралын таңдап, салынған суретке басыңдар. Көріп тұрғандай, сурет нүктелерден – пиксельдерден тұрады.
Суреттің өлшемін өзгерткенде сапасының төмендейтіндігін көрсету.
Электронды оқулықтан графикалық редактор жәйында мағлұмат тыңдау
Анықтама енгізу: Пиксель - (ағылшынша picture element - суреттің элементі) растрлы бейненің ең кіші элементі.
Суреттің өлшемін алдын ала қондырудың қажеттелігі туралы қорытынды шығару. Параграф мәтінінен тәжірибелік тапсырманы орындау (әр түрлі қалыптағы сурет салу және сақтау). Редактордың күйге келтіруін жалғастыру:
1. Кескін мен фон түсін қалай таңдаймыз? (2 - түсті таңдау)
2. Палитрада түстің неше түрі бар? Басқа түс керек болса не істеу керек? Түсті өзгерту үшін «изменить палитру» командасын таңдаңдар. Түстің дәл мәнін «Определить цвет» бұйрығы арқылы және матрицалық анықтамадан таңдауға болады. Палитра негізгі үш түстен тұрады: қызыл, жасыл және көк. Сондықтан палитра RGB деп аталады. Түсті рең, жарық, өң беріп анықтауға болады. (0 - 255 аралығында)
3. 255 - қызыл мәнін таңдаңдар. Қөк және жасыл - 0
4. Егер (0, 0, 0), (255, 255, 255) мәнін таңдаса қандай түс шығады?

YI. Сабақты бекіту.
Таңдалған деңгей бойынша тәжірибелік жұмысты компьютерде орындау.
Электронды оқулықтан графикалық редактор тақырыбына арналған тапсырмалар орындап болған соң, көз жаттығуларын жасау.

Сергіту сәті.

YII. Сабақты қорытындылау
«Адасқан әріптер» ойыны. Сәйкестендіру(сұрақ - жауап)
Суретті салу кезеңдері (есте сақтау). Графикалық редактор терезесіне шолу
Сабақта орындалған тәжірибелік жұмысты бағалау.
YIII. Үй тапсырмасы §15 оқу, оқулықтағы тест сұрақтарына жауап беру.

Толық нұсқасын жүктеу