Сабақтың тақырыбы: Зат есім.
Сабақтың мақсаты: Жаттығулар мен тапсырмалар орындау арқылы оқушылардың зат есім туралы алған білімдерін еске түсіру, кеңейту
Міндеттері:
1. Зат есім туралы алған білімдерін тиянақтау, пысықтау.
2. Сөздік қорын, тіл байлығын жетілдіру, ойлау қабілеттерін арттыру.
3. Сауатты, көркем жазуға, өзара ынтымақтастыққа, шапшаң ойлай білуге баулу.
Көрнекі - құралдар: интерактивті тақта, компьютер, Microsoft PowerPoint презентациясы, бағалауға арналған көрнекіліктер
Сабақтың түрі: пысықтау сабақ

Сабақтың барысы:
I. Ұйымдастыру кезеңі.
1) Психологиялық дайындық орындау.
Жарқырап күн де ашылды,
Айналаға нұр шашылды.
Қайырлы күн! Біз көңілді баламыз,
Қайырлы күн! Сәлемдесіп аламыз.
Мақсатымыз - білім алу,
Міндетіміз - еңбектену
Еңбектену арқылы
“5 “- ке қолды жеткізу!
Жұмбақ
Білесіңдер Кім? Не? сұрағын,
Сөйлемде ой иесі боламын
Не істеді? сұрағымен,
Көркейемін, толамын. (Зат есім)

Біз бүгінгі сабақта «Зат есім» тақырыбы бойынша алған білімімізді бекітеміз. Яғни қайталау сабағы. Зат есім дегеніміз не? Оның сұрақтары қандай? Мысал келтір.
Бүгінгі сабағымызда кемемен саяхатқа шығамыз. Қане бәріміз кемеге отырайық. Кемеміз орнынан қозғалу үшін сөзжұмбақты шешуіміз керек және тапқан сөздерімізге сұрақ қойып отырамыз.

Жарайсыңдар балалар! Кемеміз орнынан қозғалды. Кемемен келе жатқанда бос отырмас үшін дәптерлерімізді ашып бүгінгі күннің жадын жазайық.
Көркем жазу. Зз әрпі Заман
Біздің кемеміз тоқтап қалды. Алдымыздан құстар кездесті олар бізді саяхатымызды жалғастыру үшін мына тапсырманы орындауымызды сұрайды.
Өлеңді оқып, зат есімдерді тауып сұрақ қоюымыз керек.
1 - тапсырма
Бағында бұл балалар
Іні,
Әпке,
Аға бар.
Ойыншықтар мол онда:
Машина,
Арба,
Шана бар.

Жарайсыңдар, балалар! Кемеміз әрі қарай қозғалды. Біраз жол жүргеннен кейін кемеміз тағы тоқтап қалды. Алдымыздан балықтар кездесті олардың да бізге берер тапсырмалары бар екен.
2 - тапсырма
Сөздерді оқы. Кім? не? сұрақтарына жауап беретін сөздерді екі бөлек жаз.
Ата, кірпіш, шыны, апа, сағат, ағатай, қант, інішек, тауық, кептер

Кім? ---------------- Не?
Ата ------------------ кірпіш
Апа ----------------- шыны
Ағатай ------------- сағат
Інішек ------------- қант
---------------------- тауық
---------------------- кептер
Жарайсыңдар балалар! Саяхатымызды әрі қарай жалғастырайық кемеміз орнынан қозғалды енді кемеде отырған Дәурен деген балаға көмектесейік. Ол сөздерді төмендегіше топтап жазған. Оның топтауындағы қателерді табайық.
Ағаштар: емен, қайың, шырша, апельсин.
Жемістер: алмұрт, шабдалы, жүзім, шие, қарағай.
Құстар: бұлбұл, көгершін, қарға, лақ, сауысқан.
Төлдер: қозы, бұзау, бота, құлын, үкі

VI. Сергіту сәті:
Аппақ болып таң атты,
Түтін тік боп шығады.
Гүлге қонған көбелек,
Самғап биік ұшады.
Қоюланып қара бұлт,
Төкті жаңбыр себелеп.
Жапырақты жамылып,
Бұға қалды көбелек

Балалар кемеміз тағы тоқтап қалды. Енді алдымыздан су перісі кездесті оның да бізге берер тапсырмасы бар екен.
Ит үреді. Қасқыр ұлиды. Қарға қарқылдайды. Әтеш шақырады.

Жарайсыңдар балалар! Енді біздің қаншалықты есімізде көп сақтайтынымды білу үшін «есте сақтау» диктантын жазайық.
Шаш, бас, құлақ, мұрын, қол, аяқ, тырнақ, ерін, саусақ, тіл.

ІХ. Қорытындылау:
1. Зат есім дегеніміз не?
2. Зат есімдерге қандай сұрақтар қойылады?
3. Зат есімге мысал келтіру.

Х. Үйге тапсырма:
Күнделікті енді ашайық
Үй тапсырмасын жазайық.
Бүгінгі алған білімді,
Ұмытпай есте сақтап алайық.
145 бет 5 - жаттығу. Мақалды көшіріп, зат есімдерді тауып, сұрақ қою.
ХІ. Бағалау.