Соңғы жаңарту

(Өзгертілген уақыты 2 күн бұрын)
Ғылыми білімдердің дамуы
Сабақтың тақырыбы: Ғылыми білімдердің дамуы
Сабақтың мақсаты: Білімділік: XV – XVII ғасырлардағы әлем құрылымы жөніндегі жаңа қалыптасқан көзқарастар, ғалымдардың ашқан ғылыми жаңалықтары, Н.Коперник, Г.Галилей, Д.Бруно ілімдері туралы түсінік беру.
Дамытушылық: оқушылардың логикалық ойлау қабілетін дамыту, шығармашылық ізденіске жетелеу.
Тәрбиелік: адамгершілікке, ұлтжандылыққа тәрбиелеу.
Сабақтың түрі: Жаңа материалды игеру.
Сабақтың әдісі: сұрақ - жауап әдісі.
Сабақтың көрнекілігі: суреттер, слайдтар, тірек - сызбалар, электронды оқулық.
Пәнаралық байланыс: география

Сабақтың барысы: Ұйымдастыру кезеңі.
І. Жаңа тақырыпты меңгерту.
а) тақырыптан қысқаша ақпарат беру.
ә) кесте толтыру.
б) хронологиялық жұмыс.
в) тірек - сызбамен жұмыс.
ІІ. Қорытынды.

Мұғалім сөзі: Географиялық ашулар тұсындағы Колумб пен Васко да Гаманың саяхаттарынан кейін, басқа теңізшілер де дүние жүзінің түкпір - түкпіріне қауіпті теңіз саяхаттарына шығуды тоқтатпады. XVII ғасырдың басында Австралия құрлығы ашылды. Орыс аңшылары Солтүстік Азияның зерттелмеген жерлеріне еніп, Тынық мұхит жағаларына шықты. Батыс саяхатшылары құрлықтың, теңіздер мен мұхиттардың көп бөлігін зерттеді. География ғылымы тамаша табысқа жетті.

№1 тапсырма.
Кестелердің ішінде бос орын қалдырып, әр оқушы жауабын бере отырып кестені толтыру.

№2 тапсырма
Хронологиялық жұмыс

Тірек - сызбамен жұмыс
Ғылыми білімнің дамуы
Николай Коперник. Ғарыш әлемі жөніндегі білімге күйрете соққы берген Польшаның ұлы ғалымы
Бруно Джордано. Ол тіршіліктің Жерде ғана еместігін, әлемнің шексіздігін, оның көптеген дүниеден тұратындығын түсініп қана қоймай, басқаларға да үйретті.
Галилео Галилей. Үлкейткіш оптикалық түтік - телескоппен ең алғаш аспанға көз салған әйгілі итальян оқымыстысы.

Қорытынды.
Коперниктің ашқан жаңалығының тарихи маңызы зор. Ол басқа планеталар және Күн Жерді айналады деген адасушылықтан құтқарып, ғылымда еркін ойлауға жол ашты. Коперник ілімін шіркеудегілер сандырақ, бос сөз деп жариялады, ол ілімді таратқан және қорғаған адамды қатал жаза күтіп тұрды. Әлем құпиясын түсіну және табиғат заңдарын айқындау үшін ғалымдар алдында жаңа, даңғыл жол ашылды.

Бекіту сұрақтары
1. Коперниктің ғылыми жаңалығы несімен бағалы болды?
2. Джордано Бруно әлемнің құрылымы жөніндегі түсінікке қандай жаңалық енгізді?
3. Ғылым тарихында тұңғыш телескопты құрастырушы?
Үйге тапсырма. Тақырыпты оқу. Ғалымдар туралы деректер жинақтау.

Назар аударыңыз! Жасырын мәтінді көру үшін сізге сайтқа тіркелу қажет.

You Might Also Like

Жаңалықтар

Жарнама