InfoHub Logo

Астана қаласы,
№53 мектеп - лицейінің музыка пәні мұғалімі
Қаракеева Зәкира Құрманбеккқызы

Музыка
Тақырыбы: Жыр – мәңгілік мұра.
Сабақтың типі: Блум таксономиясы бойынша жоспарланған сабақ.
Білімділік: Оқушыларды атадан балаға мирас болған жыраулық - жыршылық дәстүріміз және жыраулық өнердің мақам - саздарымен таныстыра отырып, өнерге құштарлығын арттырып, дамыту.
Дамытушылық: Оқушының шығармашылығы танымдылық қабілеттерін дамыту.
Тәрбиелік: Оқушыларды ұлттық өнерімізге деген қызығушылығын ояту, ата - бабамыздан қалған асыл мұрамызды құрметтеуге, көздің қарашығындай сақтап, қайта жаңғыртып, дәріптеп отыруға тәрбиелеу.
Пәнаралық байланыс: Қазақ музыка әдебиеті, қазақ әдебиеті, өзін - өзі тану, тарих.
Сабақтың әдісі: Аспапта ойнау, түсіндіру, жыр - күйлерінен үзінділер тыңдату.
Көрнекіліктері: Слайд, үнтаспа, бейнетаспа, музыкалық аспап, оқулықтар.

Сабақ барысы
Мұғалімнің іс - әрекеті
Ұйымдастыру кезеңі 2 мин.
1. Амандасу, оқушы назарын сабаққа аудару.
2. Аспаптардың құлақ бұрауын келтіру.

Білу 5 мин.
Жыраулық дәстүр жайында оқушыларға мағлұмат беру.
1. Жыраулық дәстүр – ел мұрасы.
2. Ж. Мусиновтің «Тасбергеннің жыр - күйі», Нұртуған Кенжеғұлұлының «Орақ - Мамай» дастанынан Б. Есдәулетовтың орындауында үнтаспада тыңдату.
3. Мақам - саздардың орындалуы.

Түсіну 5 мин.
1. Жыр дегеніміз не?
2. Жырау, жыршы дегеніміз кімдер?
3. Жыр мақамы дегеніміз не?
4. Қандай батырлар жырын білесің?

Қолдану 15 мин.
Балалар, енді алдыңғы сабақта үйренген «Алпамыс батыр» жырын қысқаша орындап көрейік.

Талдау 8 мин
1. Балалар, жыр бізді неге үйретеді?
2. Жырдың маңыздылығы неде?
3. Жыр «бастау» не үшін орындалады екен?
4. Алдыңғы үнтаспада тыңдалған «Орақ - Мамай» жырының орындалуы мен сендердің орындаған «Алпамыс батыр» жырының айырмашылығы бар ма?

Жинақтау 5 мин.
Не білемін?
Не білдім?
Не білгім келеді?
Алған білімді жинақтау мақсатында сабағымызға келген қонақтарымыз жыраулық дәстүрдің ізін жалғастырушы жыршы, жырау, термеші, дәстүрлі өнер танушыларға сөз кезегін береміз.

Бағалау 5 мин.
1. Егер біздің өмірде жыр болмаса не болуы мүмкін?
2. Қазақтың салт - дәстүріндегі жырлар дамуы үшін не істеуіміз керек?
3. «Жыр - мәңгілік мұра» деген тақырыпта шағын эссе жазу. (Ауызша айтуға да болады.)
Екі жұлдыз, бір тілек.