InfoHub Logo

Aıaýly kúz, altyn kúz!

1 - synyp
Júrgizýshi
Qosh keldińizder ata - analar!
Armysyzdar ulaǵatty ustazdar!
Barmysyzdar jas dostar!

Hormen: Berekeli, merekeli Altyn kúz qutty bolsyn!
Júrgizýshi:
Munda nazar salaıyq
Merekesi halyqtyń
Altyn kúzge arnalǵan
Erteńgilikti bastaıyq.

Taqpaq
Qýandyryp bizderdi
Merekeli kúz keldi
Kel jemisti altyn kúz
Kemeldensin halqymyz
Ortaǵa sebet toly jemisteri bar
Kúz keledi
Astyq jemis jıyldy
Qambamyzǵa quıyldy
Ardaqty kúz myń alǵys
Aldyq ónim syıyńdy
Kóbeıdi qut - bereke
Astyq toly qoımamyz
Qutty bolsyn mereke
Altyn kúzdi toılaımyz.
Berekesin syılaýǵa
Ólkemizge kúz keldi
Jemisterin jınaýǵa
Shaqyrady bizderdi
Altyn, sary, qyzyl, kók
Alýan - alýan japyraq
Kúzgi baqtar kúlimdep
Kóz tartady jaltyrap
Eńbek qyzyp qyrlarda
Bıdaı toldy qyrmanǵa
Altyn taýlar sekildi
Sap - sary bop turǵanda
Bireý astyq túsirip
Bireý bıdaı ushyryp
Jatqan mezgil kúz eken
Aldym sony túsinip
Qystyń jaqyn qalǵanyn
Japyraqtar bilgendeı
Jelmen ushyp barady
Jerge qonyp úlgermeı
Japyraqtar jamyrap
Saıǵa baryp bekindi
Anasynan ajyrap
Qalǵan bala sekildi

Hor: «Balapan»

Qyzyl, sary kemeler,
Sý betinde qalqıdy.
Soqsa eger salqyn jel,
Yrǵalady, tolqıdy.
(Japyraq)
- Durys aıtasyńdar! Qazir bizde jyldyń qaı mezgili?
- Kúz!
Olaı bolsa senderdiń kúz týraly taqpaqtaryńdy tyńdaıyq.

Taqpaqtar
Oı, balalar, balalar
Qońyrqaı kúz bolypty
Qýrap japyraq solypty
El eginin orypty
Oı, balalar, balalar
Oınalyq ta kúlelik
Endi oqýǵa kirelik.
Kúz keldi, sary kúz keldi
Taý yzǵarly túz jeldi
Tyraýlatyp aspanda
Tyrnalaryn tizdi endi
Qýandyryp bizderdi,
Merekeli kúz keldi.
Kel jemisti altyn kúz,
Kemeldensin halqymyz.
Qyzyl qyrman basynda
Aq bıdaıdy sapyrǵan
Dıqandardyń qasynda
Kúz esepshi otyrǵan
Ashylyp kúz qushaǵy
Júrdi erip bizbenen
Japyraqtar ushady
Jez alqadaı júzdegen
Jaıdar kúz, altyn kúz
Aıaýly kúz, altyn kúz
Dánge tolyp en dalam
Darıadaı shalqyǵan
Bulttanyp zańǵar aspanym
Toltyrdy jasqa janaryn
Qustar da qaıta bastady
Sýyqtyń sezip habaryn
Qamba toldy astyqqa
Alǵys saǵan Altyn kúz!
Bir ýys dán shashtyq ta
Qap - qap bıdaı aldyq biz
Alaqaı, alaqaı

Shattandy balaqaı
Kúz tústi, dán pisti
Aıtamyz alǵysty
Búgin meıram, búgin toı
Qýanysh kún bilip qoı
Kúzgi baqtaı syńǵyrlap
Alaqandy soǵyp qoı

Júrgizýshi:
Alqaptan bıdaıdy
Qoımaǵa jınaıdy
Tyrnasy tizilgen
Unatam kúzdi men!- degendeı bárimiz de kúz mezgilin jaqsy kóremiz. Endeshe qoshemetpen qol soǵyp «Kúz» hanshaıymyn ortaǵa shaqyraıyq.

Kúz: Qonaqtar, balalar, salamatsyńdar ma?
Toı toılap jatsyńdar ma?
Kúz kúni osyndaı tamasha
Men keldim senderge asyǵa.
Erinbesten eńbek etip keletin,
Eńbekshige bar jemisin beretin.
Men myrza kúz, yntymaqty eline,
Berekeli yrys bolyp enetin.
Balalar, sender meni tanydyńdar ma? IA
Balalar, men Jazbyn ba? JOQ
Álde men Kúzbin be? IA
Kúzde kólge shomylýǵa bola ma? JOQ
Balalar, Kúzde japyraq sarǵaıa ma? IA
Kúzde jeńil kıinip júrýge bola ma? JOQ
Balalar, Kúzde jemis – jıdek pise me? IA
Kókónisti jýmaı jeýge bola ma? JOQ
Kúzde jańbyr jaýa ma? IA
Balalar, sender kúzdi jaqsy kóresińder me? IA
Kúz: meniń jemis – jıdekterim de ózderin tanystyrýǵa osynda kelip tur:

Taqpaqtar
Kúzdi kútip jatamyn
Jıyp nárdi boıyma
Asqabaqpyn, jaraımyn
Qystaı saqtap qoıýǵa.
Baqshalarda tizilip
Qapersiz men jatamyn
Qabat - qabat kıinip
Qyryqqabat atandym
Shıemin men shıemin
Piskenshe ton kıemin
Bala kelse qasyma
Basymdy men ıemin
Til úıirgen almurtpyn
Tańsyǵymyn bar jurttyń
Jaqsy ósire almaıdy
Qarasa eger salǵyrt kim

Aıaýly kúz, altyn kúz! júkteý