InfoHub Logo

Bes kúndik oqý júıesi muǵalimderdiń jalaqysyn qysqartýǵa sebep bolmaıdy. Bilim mınıstrligi qaıta pedagogtardyń jalaqysyn kóterý josparlanyp otyrǵanyn málimdedi, dep habarlaıdy Vaq.kz.

Bilim berý reformalary muǵalimderdiń jalaqysyna áser etpeıdi. Bıylǵy jyldan bastap birinshi synyp oqýshylary bes kúndik oqý júıesine kóshedi. Bilim jáne ǵylym mınıstrliginiń málimetinshe, mektepterge 12 jyldyq bilim berý baǵdarlamasy engizilgennen keıin tipti muǵalimderdiń jalaqysyn kóterý josparlanyp otyr.

«2019 jyldan bastap elimizde jańa bilim berý baǵdarlamasy iske qosylady. Aıta keteıik, pedagogtardyń eńbekaqysyn qysqartpaımyz. Olardyń jalaqysyn ósirý josparymyzda bar, biraq bul ázirge jospar ǵana. Qashan ekeni belgisiz», - dep habarlady informburo.kz portalyna mınıstrlikten.

12 jyldyq bilim berý shemasy boıynsha «0 synyp (mektepaldy daıarlyq)+11 synyp» prınsıpi boıynsha engiziledi. Barlyq synyptardy jańartylǵan mazmunǵa kóshirý 2020 jylǵa qaraı aıaqtalady. 12 jyldyq bilim berý júıesi kezeń-kezeńimen engiziledi. Iaǵnı 2016 jyly – 1 synyptar, 2017 jyly – 2,5,7 synyptar, 2018 jyly – 3,6,8, 10 synyptar, 2019 jyly – 4,9, 11 synyptar kóshiriledi.

Aıta keteıik, 2016 jyldyń naýryzynda BǴM mektepterdi bes kúndikke kóshirý shemasyn bekitti. Qazaqstan Prezıdenti oqýshylardy bes kúndik oqý aptasyna kóshirý týraly sheshimdi qoldap, birqatar pándi biriktirýdi usyndy.

 

---