- 14 sáý. 2015 00:00
- 212
Kárilik, shal degen – bir, at qylǵandaı...
Kárilik, shal degen – bir, at qylǵandaı,
Aınadaı aqylyńdy tat qylǵandaı.
Jeńildi aýyr, alysty jaqyn qylyp,
Bir týysqan jaqyndy jat qylǵandaı.
Boıdaǵy bar qýattyń bárin alyp,
Qaırat, óner, talapqa qat qylǵandaı.
Oıym –ý, ómirim –sý, úmitim –bý,
Qalmady bir súıenish shat qylǵandaı.
Toqtaýsyz tómendetti kúnnen-kúnge
Túri joq az ǵana aıal, dát qylǵandaı.
Shatyrash oınap utylǵan syqyldanyp,
Baıqaımyn, keshikpeı-aq mat qylǵandaı.
Oılaı bersem qaıǵy emes onyń bári,
Kóp jasaǵan qoıa ma bolmaı kári.
Ókinish sol –ómirdi bosqa ótkizdim,
Ólsem oıdan keter me sonyń zári.
Bilgen adam baıansyz is qylar ma,
Qolda bolyp turǵanda yqtıary.
Ómirden qymbat nárse bar ma adamda,
Oryndyǵa jumsasań ólmes dári.
Qasıetin ómirdiń bilý kerek,
Basynda mı bar bolsa, betinde ary.
«Ólermin, shal bolarmyn» oıynda joq,
Mal, mansap, saýyq, tamaq, súıgen jary.
Teńlik bar, tekserý bar dep oılamaı,
Ne zorlyqshyl, ne bolar ury-qary.
Tóbesinen urǵanyn bir-aq biler,
Aramdyqpen shyǵa alar kim joǵary.
Kim jalǵyz, bul jalǵanda –esti jalǵyz,
Muńdasar bolmaǵan soń bir syńary.
Jaltańdap jalǵyz Abaı ótken joq pa,
Qazaqtan tabyldy ma sonyń pary?
Óleńimen jubatty ózin-ózi
Eńbegi – esh, ishi – berish, júzi – sary.
Sózin uǵyp, aqylyn almaǵan soń,
Patsa qoısa ne kerek qazaq shary.
Ne qylsaq ta – shydady, bildirmedi,
Sol deseńshi sabyrly qazaq nary.
Aınadaı aqylyńdy tat qylǵandaı.
Jeńildi aýyr, alysty jaqyn qylyp,
Bir týysqan jaqyndy jat qylǵandaı.
Boıdaǵy bar qýattyń bárin alyp,
Qaırat, óner, talapqa qat qylǵandaı.
Oıym –ý, ómirim –sý, úmitim –bý,
Qalmady bir súıenish shat qylǵandaı.
Toqtaýsyz tómendetti kúnnen-kúnge
Túri joq az ǵana aıal, dát qylǵandaı.
Shatyrash oınap utylǵan syqyldanyp,
Baıqaımyn, keshikpeı-aq mat qylǵandaı.
Oılaı bersem qaıǵy emes onyń bári,
Kóp jasaǵan qoıa ma bolmaı kári.
Ókinish sol –ómirdi bosqa ótkizdim,
Ólsem oıdan keter me sonyń zári.
Bilgen adam baıansyz is qylar ma,
Qolda bolyp turǵanda yqtıary.
Ómirden qymbat nárse bar ma adamda,
Oryndyǵa jumsasań ólmes dári.
Qasıetin ómirdiń bilý kerek,
Basynda mı bar bolsa, betinde ary.
«Ólermin, shal bolarmyn» oıynda joq,
Mal, mansap, saýyq, tamaq, súıgen jary.
Teńlik bar, tekserý bar dep oılamaı,
Ne zorlyqshyl, ne bolar ury-qary.
Tóbesinen urǵanyn bir-aq biler,
Aramdyqpen shyǵa alar kim joǵary.
Kim jalǵyz, bul jalǵanda –esti jalǵyz,
Muńdasar bolmaǵan soń bir syńary.
Jaltańdap jalǵyz Abaı ótken joq pa,
Qazaqtan tabyldy ma sonyń pary?
Óleńimen jubatty ózin-ózi
Eńbegi – esh, ishi – berish, júzi – sary.
Sózin uǵyp, aqylyn almaǵan soń,
Patsa qoısa ne kerek qazaq shary.
Ne qylsaq ta – shydady, bildirmedi,
Sol deseńshi sabyrly qazaq nary.