![Kese emes, bulaq bolýǵa tyrys](http://infohub.kz/uploads/thumbnail/20240119212909823_big.jpg)
- 06 sáý. 2015 00:00
- 237
Kese emes, bulaq bolýǵa tyrys
Bir ǵulama shákirtiniń ár nárseden únemi shaǵymdanyp júretinin kórip qalady. Sodan bir kúni ol shákirtti shaqyrtyp alyp, tuzǵa jiberedi. Únemi zarlanyp júretin shákirt tuz alyp kelgen kezde qarıa oǵan bir ýys tuzdy bir kese sýǵa eritip ish deıdi. Shákirt buljytpaı aıtqanyn oryndasa da, tuzdy sýdy kóp ishe almaı túkire bastaıdy. “Dámi qalaı eken?” dep suraıdy qarıa. Shákirti “Ashshy” dep jaýap beredi yzalanyp.
Ǵulama shákirtti qolynan ustap, jaqyn jerdegi bulaqqa alyp barady. Bir ýys tuzdy sýǵa qosyp, sol sýdan da iship kórýin suraıdy. Bulaqtyń móldir sýyn ishken shákirtten qaıtadan sýdyń dámin suraıdy. “Tátti” deıdi shákirt. “Tuzdyń dámin sezdiń ba?” suraǵyna da, “joq” dep jaýap beredi. Osy kezde ǵulama: “Ómirdegi qıyndyqtar osy tuz tárizdi, az da emes, kóp te emes – únemi birdeı mólsherde. Baıqaǵanyńdaı tuzdyń neniń ishine qoıylǵandyǵy ǵana mańyzdy. Sol sıaqty, ómirdegi problemalardyń da ashshy bolyp bolmaýy tek seniń sezimderine baılanysty. “Kese emes, bulaq bolýǵa tyrys“, – degen eken.