- 15 sáý. 2015 00:00
- 203
Maqtaý men sógis
Bireý seni maqtasa, qýanasyń,
Jamandasa, jabyrqap, sýalasyń.
Maqtaǵan kim, sókken kim –onda isiń joq,
Bári – bir, sen de elerme dýanasyń.
Dos maqtasa, ne paıda onan saǵan,
Duspan sókse, ne kemdik kórdiń jaman?
Shyn sózbenen maqtasa, ıá boqtasa,
Maqtaý paıda, zıan ba jamandaǵan?
Boıda joqpen maqtasa ıakı sókse,
Qýanbaq ne keıimek ózińe ep pe?
Ádil júrek, taza aqyl maqtaıtuǵyn,
Solar sókpes is qylar joldy kókse.
Dos maqtaıdy sen jaqsy kórmek úshin,
Duspan maqtar elerte bermek úshin.
Eseptemeı esirik eliń maqtar,
Kóp neni aıtsa, sony aıtyp ermek úshin.
Bul úsh maqtaý berer me saǵan paıda,
Maqtaýlyny bilerlik adam qaıda?
Ózińnen ilgeriler súısinerlik
Jol tap-taǵy aqyldy solaı aıda.
Keıde dos ta jamandar joq nárse úshin
Duspan sóger syrtyńnan qaırap tisin.
Óneri joq, ósekshil el jamandar,
Ótirik pe, ras pa, kórmeı ishin.
Keler-keter zıan joq munan taǵy,
Min bolmaıdy nadannyń qorlamaǵy.
Bilimdiler sógerlik isiń bolsa,
Joǵalta ber aılasyn, oıla-daǵy.
Taýyp aıtqan talassyz maqtaý, boqtaý,
Jaqsy iske yndyn, zıanǵa salar toqtaý.
Kóp nadannyń sózimen quıqyljysań,
Sen de jyndy bolasyń esi joqtaý.
Jamandasa, jabyrqap, sýalasyń.
Maqtaǵan kim, sókken kim –onda isiń joq,
Bári – bir, sen de elerme dýanasyń.
Dos maqtasa, ne paıda onan saǵan,
Duspan sókse, ne kemdik kórdiń jaman?
Shyn sózbenen maqtasa, ıá boqtasa,
Maqtaý paıda, zıan ba jamandaǵan?
Boıda joqpen maqtasa ıakı sókse,
Qýanbaq ne keıimek ózińe ep pe?
Ádil júrek, taza aqyl maqtaıtuǵyn,
Solar sókpes is qylar joldy kókse.
Dos maqtaıdy sen jaqsy kórmek úshin,
Duspan maqtar elerte bermek úshin.
Eseptemeı esirik eliń maqtar,
Kóp neni aıtsa, sony aıtyp ermek úshin.
Bul úsh maqtaý berer me saǵan paıda,
Maqtaýlyny bilerlik adam qaıda?
Ózińnen ilgeriler súısinerlik
Jol tap-taǵy aqyldy solaı aıda.
Keıde dos ta jamandar joq nárse úshin
Duspan sóger syrtyńnan qaırap tisin.
Óneri joq, ósekshil el jamandar,
Ótirik pe, ras pa, kórmeı ishin.
Keler-keter zıan joq munan taǵy,
Min bolmaıdy nadannyń qorlamaǵy.
Bilimdiler sógerlik isiń bolsa,
Joǵalta ber aılasyn, oıla-daǵy.
Taýyp aıtqan talassyz maqtaý, boqtaý,
Jaqsy iske yndyn, zıanǵa salar toqtaý.
Kóp nadannyń sózimen quıqyljysań,
Sen de jyndy bolasyń esi joqtaý.