InfoHub Logo

Almaty oblysy        

Panfılov aýdany                       

Úlkenshyǵan aýyly

Úlkenshyǵan orta mektebiniń

Oqýshysy: Týrdyhanov  Raıymbek  Asqaruly               

Jasy: 9

Jetekshisi: Kenjebekova Kúlásh

 

 

             

 

 

Mamandyq tańdaý mektep qabyrǵasynan bastalady. Mamandyq tańdaý - ómirińniń bir kirpishin durys qalaý. Árbir mamandyqtyń qyr-syryn biletin adamdar bar. Mysaly, bilikti dáriger naýqas adamdy aýrýynan aıyqtyrsa, sheber qurylysshy ásem ǵımarattardy turǵyzyp, el ıgiligine uzaq qyzmet etýge múmkindik týdyrady. Ár adamnyń boıynda ózi qalaǵan mamandyqqa degen súıispenshiligi men ózine degen senim bolýy qajet. Eń bastysy – adam eńbekti súıýi kerek.

Men úshinshi synypta oqımyn. Arman-maqsatym kóp. Sol sıaqty men de óskende ǵalym bolǵym keledi. Bul mamandyqqa jetý ekiniń biriniń qolynan kelmeıdi. Aspan álemin zerttep, jerdiń ıgerilmeı qalǵan, áli zerttelmegen tustaryn ashyp, álemge jańalyq engizsem deımin. Qanysh atam sıaqty aspanǵa da atym jazylsa dep armandaımyn.

Barlyq mamandyq ıeleri memleketke óz úlesterin qosady. Men de elimniń ósip, órkendeýine óz úlesimdi qosyp, jańa múmkindikterge jol ashsam dep oılaımyn.

Bilikti maman -óz isiniń sheberi emes pe? Ondaı mysal kóp. Aıta ketsek, Elbasy Nursultan Ábishuly Nazarbaev óz mamandyǵynyń naǵyz bilgiri. Eńbeginiń arqasynda osyndaı dárejege kóterilip otyr. Eliniń qamyn oılap, kúndiz-túni tynbaı eńbek etýde.

Menińshe, astronom-ǵalym bolý meniń qolymnan keledi. Adam eńbeginen qýanyshyn taba bilse, boıyna jańa kúsh qosylyp, eńbekke degen shabyty arta túspek. Meniń qazirgi alǵa qoıǵan úlken maqsatym - oqýymdy úzdik aıaqtaý.T ek bilim men eńbektiń arqasynda ańsaǵan armanyńa qol jetkizýge bolady.

                           Ǵalym bolý-  armanym,

                           Tereń oıǵa boıladym.

                           Qupıasyn uqqym kelip álemniń

                           Bilim muhıtyn  sharladym,-

dep, óz oıymdy Abaı atamnyń «...bilim-ǵylymnyń ózine ǵana qumar, yntyq bolyp, bir ǵana bilmektiń ózin dáýlet bilseń, hám ár bilmegenińdi bilgen ýaqytta kóńilde bir rahat huzýr hasıl bolady. Sol rahat bilgenińdi berik ustap, bilmegenińdi taǵy da sondaı bilsem eken dep úmittengen qumar, mahabbat paıda bolady.» otyz ekinshi qara sózimen aıaqtaı kele, ǵylym-bilimdi úırenýden esh jalyqpaıyq. Alǵan bilimimizdi el ıgiligine jarataıyq degim keledi.

---