InfoHub Logo

2016 jyly mektep bitirýshi túlekterge UBT-ny ekinshi ret tapsyrýǵa múmkindik beriledi. Bul týraly QR Bilim jáne ǵylym mınıstri Erlan Saǵadıev málim etti.

«Senat depýtattarynyń bastamasy boıynsha bıylǵy jyldan bastap mektep bitirýshi túlekterge Ulttyq biryńǵaı testileýdi ekinshi ret tapsyrý múmkindigi beriledi. Senattyń bul bastamasyna Úkimet te, Bilim jáne ǵylym mınıstrligi de, jalpy qoǵam da qoldaý bildirgen bolatyn», - dedi Erlan Saǵadıev.

Mınıstrlik usynǵan málimetterge qaraǵanda, Qazaqstanda jyl saıyn UBT tapsyrmaıtyn mektep bitirýshiler sany artyp otyr. 2015 jyly bul kórsetkish shamamen  46 myń adamǵa jýyqtaǵan.

«Bul - óte úlken kórsetkish. Joǵary bilimnen 100 myńǵa tarta keshki oqylymdaǵy oqýshylar qalyp otyr, olardyń 25 myńy JOO-larǵa da, kolejderge de túspeıdi. Bul - alańdatarlyq jaǵdaı», - dedi mınıstr.

Sonymen bir mezgilde Reseı men Qytaıǵa oqýǵa baratyn stýdentter qatary da jyl sanap artyp otyr. Máselen, 2015 jyly Reseıge oqýǵa 39 myńǵa tarta qazaqstandyq barǵan.

«Mektep bitirýshiler UBT bir nemese birneshe bal ala almaı qalyp, sheteldik oqý oryndaryna aqyly negizge ketip jatyr. Osylaısha olar basqa elderdiń bilim mekemelerine ınvestısıa quıýda», - dedi E. Saǵadıev.

Jalpy vedomstvo basshysynyń aıtýynsha, UBT tapsyrý tetiginde ózgerister kútilmeıdi. «UBT qaıta tapsyrý aqyly negizde shekti mejeden asa almaǵandar úshin beriledi. Osylaısha olar úshin de aqyly negizde oqýǵa múmkindik beriledi. Bul másele boıynsha bizde Elbasynyń tikeleı tapsyrmasy bar, soǵan sáıkes bıyl túlekterge ózimizdiń oqý oryndaryna túsýge jaǵdaı usynamyz. Árıne, olar bitirgennen soń bári birdeı jumysqa turyp ketpeýi múmkin, alaıda tutastaı alǵanda biz joǵary bilimdi qoǵam bolýǵa umtylýǵa tıispiz. Sońǵy qyryq jylda dúnıe júzinde stýdentter sany alty esege artqan. Al álemde jyl saıyn 150 mln joǵary oqý oryndaryna túsedi», - dedi E.Saǵadıev.

Avtor: Qanat Mámetqazyuly

---