- 14 sáý. 2015 00:00
- 223
Mindeý men kúndeý
Kóp sóz aıtqan burynǵy bilimdiler
Paıdalansyn, uqsyn dep keıingiler.
Synǵa salyp talǵamaı talapty jas,
Sonyń bárin qatesiz jón dep biler.
Olaı emes, oılasań, talaı min bar,
Buryn shyn, qataly shyn, anyq shyn bar.
Ý berdi me sýsyn dep, sý berdi me,
«Kóziń jum da juta ber» degen kim bar?
Kim aıtsa da synamaı qoıma, janym,
Aqylyńa synatyp oıla, janym.
Pálenshekem aıtqan sóz durys qoı dep,
Júrektiń tarazysyn joıma, janym.
Tegis tekser sóz kórseń, syr men synyn,
Túzetýge ımenbe, tapsań minin.
Ádep saqta, jalǵyz-aq, «qate aıtty» dep,
«Bylshyldapty» deı kórme, bilseń shynyn.
Bile tura kim aıtar qate sózin,
Bilimdige esepter árkim ózin.
Turǵan jeri, ádeti, týǵan eli
Adastyrar, aıtqyzar baılap kózin.
Mal izdep, mansap izdep, saýyq jıyn,
Dúnıeniń kórmek úshin árbir syıyn.
Adamzat alańdyqtan bosamaıdy,
Sol sebepten qatesiz sóıleý qıyn.
Meniń de kóp jaraly júregim bar,
Nadandyqtan qıraǵan súıegim bar.
Kúndemeı, shyn mindeseń, razymyn,
«Qaıta, jastar sóıtsin» dep tilegim bar.
Synamasań jaqsynyń sózin qoryp,
Talabyńdy joǵaltar ishten soryp.
«Sandalǵan túspe izime» degen Abaı,
Júrsińder osy sózin qalaı joryp?
«Talas, tap» dep aıtatyn Abaı ózi,
Tanamyz ba joq qoı dep búgin kózi?
Aıtqanymdy synama degen emes,
«Kúndeme de qarǵama» – degen sózi.
Meıliń sók, meıliń maqta – oǵan ne bar,
Bizden túk joq, óziniń ımany jar.
Qatesin tap, kúndeme, jamandama,
Keıde jón, keıde qate aıtqan shyǵar.
Abaı túgil, aqyldy kóp jan ótken,
Túpsiz tereń ǵylymǵa kózi jetken.
Solardyń da bar sózi bir jerde emes,
Keıi jón, keıi qate aıtyp ketken.
Aldyńǵynyń soqpaǵyn artqy túzer,
Ǵylym degen nárse emes kúder úzer.
Minin alyp, mindige minsiz qosyp,
Burynǵyny jańartyp, jastar túzer.
Óńlige taǵy óń berip qyrǵan qalaı,
Túzetilmeı shań basyp turǵan qalaı.
Túzeımin dep qıratyp kúnshildikpen,
Durys isti teriske burǵan qalaı?
Osyny uqsań –uǵarsyń kóp sózimdi,
Aldasam, almaı-aq qoı ep sózimdi.
Ánge salyp alańdap, uqpaı júrme,
Ánsheıin bir óleń ǵoı dep sózimdi.
Paıdalansyn, uqsyn dep keıingiler.
Synǵa salyp talǵamaı talapty jas,
Sonyń bárin qatesiz jón dep biler.
Olaı emes, oılasań, talaı min bar,
Buryn shyn, qataly shyn, anyq shyn bar.
Ý berdi me sýsyn dep, sý berdi me,
«Kóziń jum da juta ber» degen kim bar?
Kim aıtsa da synamaı qoıma, janym,
Aqylyńa synatyp oıla, janym.
Pálenshekem aıtqan sóz durys qoı dep,
Júrektiń tarazysyn joıma, janym.
Tegis tekser sóz kórseń, syr men synyn,
Túzetýge ımenbe, tapsań minin.
Ádep saqta, jalǵyz-aq, «qate aıtty» dep,
«Bylshyldapty» deı kórme, bilseń shynyn.
Bile tura kim aıtar qate sózin,
Bilimdige esepter árkim ózin.
Turǵan jeri, ádeti, týǵan eli
Adastyrar, aıtqyzar baılap kózin.
Mal izdep, mansap izdep, saýyq jıyn,
Dúnıeniń kórmek úshin árbir syıyn.
Adamzat alańdyqtan bosamaıdy,
Sol sebepten qatesiz sóıleý qıyn.
Meniń de kóp jaraly júregim bar,
Nadandyqtan qıraǵan súıegim bar.
Kúndemeı, shyn mindeseń, razymyn,
«Qaıta, jastar sóıtsin» dep tilegim bar.
Synamasań jaqsynyń sózin qoryp,
Talabyńdy joǵaltar ishten soryp.
«Sandalǵan túspe izime» degen Abaı,
Júrsińder osy sózin qalaı joryp?
«Talas, tap» dep aıtatyn Abaı ózi,
Tanamyz ba joq qoı dep búgin kózi?
Aıtqanymdy synama degen emes,
«Kúndeme de qarǵama» – degen sózi.
Meıliń sók, meıliń maqta – oǵan ne bar,
Bizden túk joq, óziniń ımany jar.
Qatesin tap, kúndeme, jamandama,
Keıde jón, keıde qate aıtqan shyǵar.
Abaı túgil, aqyldy kóp jan ótken,
Túpsiz tereń ǵylymǵa kózi jetken.
Solardyń da bar sózi bir jerde emes,
Keıi jón, keıi qate aıtyp ketken.
Aldyńǵynyń soqpaǵyn artqy túzer,
Ǵylym degen nárse emes kúder úzer.
Minin alyp, mindige minsiz qosyp,
Burynǵyny jańartyp, jastar túzer.
Óńlige taǵy óń berip qyrǵan qalaı,
Túzetilmeı shań basyp turǵan qalaı.
Túzeımin dep qıratyp kúnshildikpen,
Durys isti teriske burǵan qalaı?
Osyny uqsań –uǵarsyń kóp sózimdi,
Aldasam, almaı-aq qoı ep sózimdi.
Ánge salyp alańdap, uqpaı júrme,
Ánsheıin bir óleń ǵoı dep sózimdi.