Qaı joldassyń, aıtshy, sen?
Adamdy ańsha atasyń.
Óz anańnyń sútinen
Qandy adal dep tatasyń.

Ómir qylmen baılaýly,
Óz qamyńdy jeseńshi.
Zamandy sebep jaılaýly,
Onda nem bar deseńshi.

Jaqsy ýaqyt kez kelse,
Jaralystyń syıyn bil.
Istiń túbin tekserse,
Ne bolaryn bilmes ol.

Aıla, kúshke taıanba,
Bolar-aý dep sol sebep.
Ólsheýi onyń zamanda,
Buıyrady ol ne dep.

Ómir degen – uıqy ǵoı,
Tús kórgizbeı qoıa ma?
Qıyn-qyzyq, ár túrli oı
Is kórgizbeı qoıa ma?

Tústegini shyn ǵoı dep,
Shyndy umytqan jaraı ma.
Ál jetkeniń bárin jep,
Ardy jutqan jaraı ma?

«Taza emec,– dep,– shekpeniń»,
Syrtyn kórip syn taqpa.
Árkim orar ekkenin,
Óz ishińdi salmaqta.

Ol – ne jaqsy, ne jaman,
Onyń júgi sende emes.
Dese bireý: «Men aman»,
Ol zıannan kende emes.

Sopylar da kútip júr
Beıistiń tátti sharabyn.
Maskúnem de jutyp júr
Mas qylatyn araǵyn.

Shymyldyq artyn kim biler,
Shyn ıesi bolmasa.
Sonyń joly jóndeler,
Kimdi synap ońdasa!

---