InfoHub Logo

Onsyz da josparly pánder men qosymsha úıirmelerden úlgermeıtin oqýshylarǵa taǵy bir jańa pán qosylmaq dep habarlaıdy 31 arna.

«Qazaqstan halqynyń salt-dástúrleri» páni ázirge tek Óskemen qalasynyń oqýshylaryna oqytylady. Bir qyzyǵy oblys prokýrorlary usynǵan pán aldymen eki birdeı mektepte keıin jeti oqý oryndarynda engizilmek.

"Biz osy kýrsty engizer aldynda sol sabaqtardyń barlyǵyn zerttep shyqtyq, sol sabaqtardyń taqyryptaryn anyqtap shyqtyq. Bizdiń ózimizdiń anyqtaǵanymyz ózin-ózi taný sabaǵyn alatyn bolsaq, osy Qazaqstan halqynyń salt-dástúrleri tek qana 98 saǵat kóleminde ǵana beriledi eken", - deıdi Shyǵys Qazaqstan oblysy Bilim berý basqarmasynyń jetekshisi Aıjan Sadyqanova.

20-shy qańtarda ǵana tusaýy kesilgen jańa pán besinshi synyp oqýshylaryna eki aptada bir saǵattan oqytylady eken. Jyldyń sońyna qaraı balalar pán boıynsha emtıhan tapsyrady. Eger kórsetkish jaqsy bolsa, onda osy pán ózge oblys mektepterinde de júrgiziledi.

Aqsha jaǵyn Shyǵys Qazaqstan óńiriniń ákimdigi óz moınyna alypty. Al bilim berý baǵdarlamasyna jańa pán engizýdi oblystyq prokýratýra qolǵa alǵan. Quzyrly organ ókilderi pılottyq joba negizgi pánderge kedergi keltirmeıdi deıdi.

Budan bylaı mektepterde qandaı pán oqytylý kerektigin Bilim jáne Ǵylym mınıstrligi emes, prokýrorlar sheshetin sıaqty.

"20-shy qańtarda osy Shyǵys Qazaqstan oblysyndaǵy №43 mektepte tárbıe saǵaty retinde alǵash ótkizgen bolatynbyz. Aldaǵy ýaqytta bul pán Shyǵys Qazaqstan oblysyndaǵy Ulan, Glýbokoe jáne Óskemen, Semeı qalalary ótkiziletin bolady", - deıdi Shyǵys Qazaqstan oblysy prokýratýrasy birinshi basqarmasynyń aǵa prokýrory Aıdos Tursynov.

---