InfoHub Logo

Óndiristik tájirbıe jetekshisi Esbolova Móldir Aýeltaevnanyń jetekshiligimen
ál-Farabı atyndaǵy QazUÝ Fılosofıa jáne saıasattaný fakúlteti
Mádenıettaný mamandyǵynyń 2-shi kýrs stýdenti
Týrlybaeva Jansaıa Talgatqyzy

Shyǵystyń ataqty fılosofy, oıshyl Ábý Nasyr ıbn ál-Farabıdyń esimimen atalatyn ál-Farabı atyndaǵy Qazaq Ulttyq Ýnıversıteti elimizdegi aldyńǵy qatarly jetekshi joǵarǵy oqý orny, sondaı –aq elimizdiń iri bilim jáne ǵylymı ortalyǵy bolyp tabylady.

Qazaq ulttyq ýnıversıteti óziniń negizin 1934 jyly qalaǵannan bastap Qazaqstandaǵy bilim berý júıesiniń betke ustar kórki, ýnıversıtettik dástúrlerdiń, kásibı bilikti ǵylymı jáne pedagogıkalyq mektepterdiń bastaý – kózi boldy.  Osy sapaly bilimniń qara shańyraǵy, Qazaqstandaǵy bilim berý júıesiniń tiregi, eskiniń kózin kórgen, 80 jylǵa jýyq baı tarıhy jınaqtalǵan ulttyq ýnıversıtette elimizdiń túkpir túkpirinen, alys — jaqyn shet elderden kelip, oqyp jatqan stýdentter jeterlik.

Búginde ál-Farabı atyndaǵy QazUÝ erekshe mártebesi bar Qazaqstannyń jetekshi ,ári álemdik bilim naryǵyndaǵy básekege qabiletti, álemdegi eń úzdik 800 ýnıversıtet arasynda 275-shi oryndy ıemdene bilgen, Qazaqstandaǵy nomeri birinshi ýnıversıtet, sonymen qatar bilim men ǵylymnyń ulttyq kóshbasshysy. Sondaı –aq halyqaralyq QS  reıtıńisi boıynsha álemdik úzdik 250-top ýnıversıtet qataryna enip 236 oryndy ıemdendi. Ýnıversıtet  180-nen astam gýmanıtarlyq, jaratylystaný jáne tehnıkalyq mamandyqtar boıynsha bakalavrlardy, magıstranttardy, doktoranttardy daıyndaıdy. Ýnıversıtet quramynda 15 fakúltet, 98 kafedra, 20 ǵylymı-zertteý ınstıtýttary men ortalyqtar, Tehnopark qyzmet atqarady: 2000-nan astam profesorlar, doktorlar, ǵylym kandıdattary men fılosofıa doktorlary ýnıversıtette qyzmet atqarady.

QazUÝ-dyń 41 mamandyǵy sapa saraptamasy men ekonomıkalyq, quqyqtyq jáne áleýmettik-gýmanıtarlyq baǵytta bilim berý baǵdarlamalary boıynsha akkredıttaýdan tabysty ótken ýnıversıtet. Ýnıversıtette kópsalaly joǵary kásibı bilim júıesi boıynsha 20000 stýdent bilim alýda. QazUÝ qalashyǵynda osy stýdentterge barlyq jaǵdaı jasalǵan. Mysaly, ınternet ortalyǵy,  Ó.A. Joldasbekov atyndaǵy stýdentter saraıy, murajaı., tamaqtandyrý kombınaty, stýdentterge qyzmet kórsetý ortalyǵy «Keremet», kompúterli- tehnıkalyq jabdyqtar, WI-FI symsyz ınternet jelisi , aýqymy keń sporttyq keshen, Dmıtrıı Balandın atyndaǵy 25 metrlik júzý baseıni sıaqty ortalyqtar ornalasqan. Onymen qosa eń baı kitaphana — Ál- Farabı atyndaǵy kitaphana ornalasqan. Qoınaýynda 2 mıllıonnan astam kitap qory bar  záýlim saraıda  ár stýdent óziniń keregine esh qıyndyqsyz  qol jetkize alady. Orta Azıadaǵy joǵary oqý oryndary arasyndaǵy eń úlken kitap qoryna ıe bolǵan bul  kitaphanada Shyǵystyń uly oıshyly ál-Farabıdiń ómiri men shyǵarmashylyǵyn nasıhattaıtyn murajaıy, uly ǵulamanyń ǵylymı-aǵartýshylyq murasyn zertteýmen aınalysatyn ál-Farabı Ortalyǵy ornalasqan.

Sonymen qatar QazUÝ ǵalymdary «EXPO-2017» kórmesine qatysyp, óz jobalaryn tanystyrdy. Al bıylǵy jylǵy bilim granttarynyń kórsetkishi boıynsha, QazUÝ birinshi orynǵa ıe boldy. Ýnıversıtettiń aýyz toltyryp aıtarlyq jetistikteri munymen shektelmeıdi, bastysy bilimge degen umtylys óshpese bolǵany. Bul turǵyda, QazUÝ jastarynyń jalyndy, jigerli, bilimdi, ónerli, hám bilimpaz ekenin alǵa tartýǵa bolady.

Maǵjan Jumabaev aıtqandaı: «Arystandaı aıbatty, jolbarystaı qaıratty, Men jastarǵa senemin!», — demekshi arystandaı aıbatty, jolbarystaı qaıratty jastardyń otany – ál-Farabı atyndaǵy Qazaq Ulttyq ýnıversıteti!

---