InfoHub Logo

«Qutty bolsyn, Jańa jyl!»
Maqsaty: balalarǵa merekelik kóńil kúı týdyrý; shyrshanyń qalaı ádemi de sándi bezendirilgenine, balalardyń Aıazatanyń, Aqshaqardyń, Qoıannyń karnavaldyq kıimderine nazar aýdartý; kóńildi oıyndar oınatý, dostyq qarym - qatynas oıatý, birlesken oıyndar oınatý.
Qatysýshylar: júrgizýshi, Aıazata, Aqshaqar, Qoıan, Kloýn, balalar, ata - analar..

Mýzyka oınap turady.
Júrgizýshi: (júrgizýshiniń daýysy tys jerden shyǵady) Tezirek, tezdetip munda jınalyńdar. Bastalady Jańa jyldyq karnaval, maska da bar, bı de bar, asyǵyńdar, shyrsha janynda qonaqtardy qarsy alyńdar. Aıazata shaqyrǵannyń biri daǵy qalmaıdy. Bastalady, bastalady, jańajyldyq karnaval! Karnavaldyń ıelerin qarsy alaıyq! (qol shapalaqtaý, balalar eki - ekiden kiredi)
Júrgizýshi: Armysyzdar, aıaýly ustazdar, ata - analar! Sálemetsizder me, balalar. Sender búgin, sándi kıinip, ádemi bolyp ketipsińder. Myna jerde orman ańdary, súıikti ertegilerimizdiń keıipkerleri de jetipti. Al, búgin balalar, qandaı mereke?
Balalar: Jańa jyl!
Júrgizýshi: Jańajyldyq erteńgiligimizdi ashýdaǵy quttyqtaý sózin balabaqsha meńgerýshige Ásel Jangeldiqyzyna beriledi.
Júrgizýshi: Balalar búgin biz Jańa jyldy qarsy alýǵa jınaldyq. Kelińder, sán qurap turyp, qol ustasyp júrip án salaıyq.
Án: «Appaq, appaq japalaqtap»
Júrgizýshi: Balalar, ortamyzdaǵy ásem ne?
Balalar: Shyrsha!
Júrgizýshi: Shyrshamyz qandaı ádemi! Oıynshyqtary netken kóp! Al, kim bizge shyrshaǵa arnalǵan taqpaqtaryn aıtyp beredi eken?
Aımereke:
Jasyl shyrsha ormannan,
Bizge arnaıy kelipti.
Oıynshyǵyn balalar,
Shyrshaǵa ásem ilipti.
Gúljan:
Ásem shyrsha sándengen,
Óz ańdaryn kútedi.
Jańa jylmen birge biz,
Ormanǵa kep jetedi.

Araı:
Tamasha, tamasha,
Shyrshamyz tur jarasa.
Basynda ásem juldyzy,
Kóz toımaıdy qarasa.
Júrgizýshi: Jaraısyńdar, qandaı jaqsy taqpaqtar! (shyrshanyń janyna jaqyndap kelip) bárekeldi, qarańdar balalar, shyrshanyń astyńda birdeńe tur! Syılyqtar! Syılyq alý qandaı tamasha, kelińder, balalar, syılyqty ashyp kóreıik. (kóńildi mýz. oınaıdy, qorapty ashady, onyń ishinen Kloýn atyp shyǵady.)
Kloýn: Amansyńdar ma, balalar! Iá, bul menmin. Meni oraýdan alyp shyqqandaryń qandaı jaqsy boldy! Ol jerde tar, ári qap - qarańǵy. Al, munda sondaı tamasha eken! Men de sendermen jańa jaldy qarsy alaıynshy, sendermen birge qyzyqty oıyndy oınaıynshy!