InfoHub Logo

QR Bilim jáne ǵylym mınıstrligi bilim berý sapasyn arttyrý boıynsha joǵary oqý oryndaryn yntalandyrýdyń jańa ádisterin ázirlep jatyr. Osy oraıda usynystardyń biri oqý oryndaryna jeke bilim berý baǵdarlamalaryn daıarlaýǵa múmkindik berýge qatysty.

«Mınıstrlik qaı baǵytta bilim berý kerektigi týraly nusqamaýy tıis, barlyq 130 JOO ózderiniń bilim berý baǵdarlamalarynyń mazmunyn jańartý boıynsha jumystarǵa jumylýy qajet»,-dedi mınıstr Erlan Saǵadıev «Qazaqstan Respýblıkasynyń keıbir zańnamalyq aktilerine joǵary oqý oryndarynyń akademıalyq jáne basqarý derbestigin keńeıtý máseleleri boıynsha ózgerister men tolyqtyrýlar engizý týraly» zań jobasyn tanystyrý barysynda.

Onyń paıymynsha, osy oraıda joǵary oqý oryndaryn tek eki ádispen ǵana damytýǵa bolady, ıaǵnı básekelestikti arttyrý men reestrden qaýqarsyz bilim berý baǵdarlamalaryn alyp tastaý qadamdary arqyly jetildirý múmkindikteri bar.

«Bilim berý baǵdarlamalaryna suranys joq oqý oryndarynda osy másele boıynsha úsh jol bar. Birinshiden, úzdik JOO-larǵa baryp, olardan bilim berý baǵdarlamalaryn alý jáne ony ózderine jyldam endirý. Ekinshiden, ózderiniń baǵdarlarmalaryn jaýyp tastaý kerek, bul rette stýdentter úzdik oqý oryndaryna aýysady. Úshinshiden, seriktester izdep, ózderine sapaly baǵdarlamalardy ázirlep, engizý»,-dep túsindirdi Saǵadıev.

Zań jobasy «Bes ınstıtýsıonaldyq reformany iske asyrý jónindegi 100 naqty qadam - Ult josparynyń» 78-qadamyn júzege asyrý maqsatynda ázirlengen. Onda Nazarbaev Ýnıversıtetiniń tájirıbesin eskere otyryp, joǵary oqý oryndarynyń akademıalyq jáne basqarý derbestigin satylaı keńeıtý ekserilgen.

---